Koordînasyonê Komalên Jinên Kurdîstanê (KJK) serrgêra komploya mîyanneteweyî yê 9ê teşrîna verêne de eşkerayîyêk da û waşte ke wa seba azadîya Ocalanî çalakîyê radîkalî bêrî viraştene.

Koordînasyon hamleya xo ke qûrûltayê 8. de bi sloganê ‘‘Sonda me ye: Emê Pergala İmralı Parça bikin. Bi Rêber Apo re Azad bijîn! dabi dest pê kerdene vistê vîrê û va:‘‘ Ma bi no zanayîşê vera şerê qirkerdişê şarê kurdî û tecrîdê îmrali de têkoşînî  xo heta serkewtişî domnenî‘‘

KJKyî seba protestokerdişê komploya veng da û va: ‘‘ Vernî de cînî ganî şarê ma her ca de têkoşîno komelkî sey sermîyanîya tarîxî bivîne û wazîfeyê xo bîyaro ca. Hêrişê vera şarê kurdî tena bi xoverdayîşa yene şiktene. Vera şerê îmha û înkarkerdişî bê têkoşîno radîkalî, ma rê rayîrêk nêmendo. Na çarçewe de ganî pêroyê hêzê şorişgêrî cepheyo şîrik de bêrî têhet û pero pîya vera faşîzm têkoşîn berz bikerî.''