Komalên  Jinên Kurdistan (KJK) bi eşkerayîyêke bale ante hêrişanê dewlata tirke ser û semedê pîlkerdişê têkoşînî veng da. Eşkerayîya KJKyî wina ya:

''Dewleta tirka faşîste her cayê Kurdîstanî de hêrişanê qirkerdişî kena. Her roje hêrişê şarê ma yê welatperwerî kena û qetil kena. Tewr peynî de Kirfrî de serkêşanê şarê ma yê Başûr û soranî ra Suheyl Xurşîd Ezîd û Kampa Mexmûrî de welatperwer Ebuzeyd Abdullah Abid hetê dewleta tirke ra ameyî qetilkerdene. Pîya bi nînan rojane vera Rojawanî hêrişî yenê kerdene, qirkerdişê sîvîlî qewimîyenî. Tewr peynî de Xanesorê Şingalî de hêrişê droneyê çekdarî ame kerdene. Eşkera yo ke dewleta tirke pê nê hêrişan wazena qirkerdişê DAÎŞî yê ke Rojawan, Şingal, Başûr û Memxûr de nîmcet mendî temam bikero. La wa dewleta tirke bizano ke nê hêrişî do cayê aye de memanê.

Şehîd Ebuzeydî serranê 90yan de seba ke welateperbi raştê îşkenceyî ameyo, hetê dewlete ra dewa ci ameya vêşnayene. Coka pîya bi bi hezaran botanijan bar kerdo şîyo Başûrê Kurdîstanî û 28 serrî yo Mexmûr de mîyanê têkoşînî de ca geno. Şehîd Suheyl Xurşîd emir xo semedê azadîya Kurdîstanî da. Wird welatperweranê ma zî tim têkoşînê azadîye rê serkêşîye kerdêne. Ma soz danê ke ma do herra xo îşxalkeranê faşîstan û xayînan ra pak bikerê û Kurdîstanê azadî înşa bikerê. Ma do bi serkewtişî wayîrê vîrameyîşê şehîdanê xo bivejîyê. Ganî ma vera hêrişan dahîna zaf têkoşîn bikerê û qesasê şehîdanê xo bigerê. Ganî ma têkoşînê şehîdan biresnê serkewtişî. No wezîfeyo esas ê ma pêrun o.

Senî ke Rayberîya ma qiseykerdişê xo yê kilmî yê telefonî de hîşyar kerdbi, ma mîyanê prosesêkê tehlukeyinî de yê. Hêrişê qirkerdişî tim zêdîyenê. Dişmen tim hêriş keno ke îradeyê azadî yê kurdan bişikino û înan teslîm bigero. Bitaybetî pê îxanetî, xayînîye û ajankerdişî keno ke kurdîtîya azade mîyanê ci de zehîf bikero. Nê sey polîtîkaya esase rayra beno. Dewleta tirke ya îşxalkere nê prosesî de hetêkî ra pê çekanê kîmyewîyan hêriş kena û hetê bînî hêzanê xayînan fînena dewre ke ser bikewo. Bi temamî pê teknîk û îxanetî têgêrena. Hêramanê sey Zap, Avaşîn, Metîna, Girê Cûdî û Girê Amedîyê de vera gerîlayan çekanê kîmyewîyan şuxulnena û bi hemkarîya îxanetê PDKyî hêriş kena. Pê zanayîşê ke ajanan ra genê bajaran de şarê ma yê welatperwerî qetil kena. Pê nê hêrişan kena ke şarê ma bitersnê û teslîm bigêrê.

Hêrişê cinîyan kena ke cinîya azade teslîm bigêre. Vakurê Kurdîstanî de bi destê polîs, leşker û qoricîyan cinîyan ê kurdan rê îşkene û tecawuz kenê û qetil kenê. Rojawan de fermandare û şerwananê ke vera DAÎŞî şer kerdo înan hedef genê û heta kênayanê ezeban, heta domanan hêrişê ercanê şorişê cinîyan kenê. Pêroyê Kurdîstanî de bi kayanê şerê taybetî, bi tewiranê cîya cîyayan kenê ke cinîyan bidê war. Cinîyê ke dînamîkê azadkerdişê komelî yê serê înan ra kenê ke averberdişanê şorişgêr û welatperweran biqedinê.

Dişmen çend beno zehîf zafêr hêriş keno û bitersnayîşî keno ke ser bikewo. Çîyo muhîm oyo ke şarê ma serkêşîya cinîyan de cewabê nê hêrişan bido. Dişmen çend hêriş keno ganî hende vera ci sere bêro wedaritene û şiro dişmenî ser. Ganî  têkoşîn bêro pîlkerdene û îxanet bêro teşhîrkerdene.  Ganî her ca de cewabê hêrişan bêro dayene, hesab  bêro persayene. Bitaybetî cinîyî, cinîyê ciwanî, dayîkê ma ganî vera îxanetî azadîye û welatperwerîye bipawê. Ganî cinîyî wirzê payan ser û şarî biwirznê payan ser. Ganî ma zafêr şirê dişmenî ser ke ey bin bifînê.

PDK sey tim hemkarîya dişmenî rê dewam keno. Tewr peynî de Metîna de semedê dişmenî dest pê viraştîşê rayîrî kerd. Merkezê Pawitişê Şarî hîşyar kerd la înan goş pa nêkuwa. Îxanet sere de Başûrê Kurdîstanî heme Kurdîstan de tehlukeyo pîl o. Heqê PDKyî çîno ke nê bikero. No her çîya ver nasname û şarî rê îxanet o. Heta îxanetê xo kenê. Sere de dayîkê ke ma ganî her ca de şarê ma vera PDKyî tewirê xo eşkera ramojno. Nê prosesê hesasî de ganî ma sey cinîyan têkoşînî rê serkêşîye bikerê, her ca de wirzê payan ser û dişmenî ra hesab bipersê.''