Koordînasyonê KJKyî bi derheqê qirkerdişê cinîyan de eşkerayîyêka nuştekîye daye û bale ante nê nuqtayan ser:

''Îşxalê vera cinîyan  îşxalê vera komelî yo. Koletîya cinîyan, koletîya komelî ya. Bêîredekerdişê cinîyan, bêîradekerdişê komelî yo. Hukmato ke naye zaf hole zanno polîtîkaya dişmenîya vera cinîyan rayra beno. Caardişê îqtîdarî her hetî ra çalê şarê kenenê ke peynîya ci bîyaro. Tecawuz, tacîz û şîdetê vera cinîyan erzenê planê verênî ke krîz bêro xorîkerdene. Semedê naye zî şerê taybetî rayra benê. Şirnex, Êlih, Silopî û Mûş de bi destê polîs û leşkeran tecawuz û hêrişê cînsî yenê averberdene. Nê hêrişkar û tecawuzkarî hetê dewlete ra Kurdîstan de bi zanayîş ameyî cakerdene. Heme hetê dewlete ra ameyî wezîfekerdene ke nimite têgêrenê. Nê tecawuzkarî zanê ke rîyê sûcanê xo ra nînê cezakerdene. Xora naye eşkera vanê zî. Meşrukerdişê tecawuzkaran yew tewirê îrade şiknayîşî yo.  Kuçevistişê  tecawuzkerdoxan tehdîdêk o.  Wazenê ke komelî bitersnê. Heta ke bi hêrsê pîlî vera nêrazîbîyayîş mero ramotene tecawuzî nênê vindarnayene. Ganî heme kurdî naye bizanê û xopawitişê xo pîl bikerê.

Dima ke AKPyî vat ma do  Pêkerdişê Îstanbulî ra xo biancê Kurdîstan û Tirkîya de tecawuz û qirkerdişê vera cinîyan zêdîyayî. Şîdetê camêrd û dewlete yew bînan weye kenê. Hêrişkarî zanê ke seba ke cinîyan rê hêriş û tecawuz kenê yenê xelatkerdene. Ganî heme rêxsintinê cinîyan pîya vera hêrişan sere wedarê. Vera zîhnîyetê tecawuzî û caardişanê ke nêtîceya ci de vejîyenê meydan têkoşîno bêmabên wezîfeyê ma yo bingêyen o. Vera qirkerdişê cinîyan ganî bi tewirê polîtîk çalakîyê afernayoxî bêrê kerdene û bi metodanê cîya cîyayan têkoşîn bêro pîlkerdene. Cinîyî bi têkoşînê xo yê vera dewlete-camêrdî seserra 21. de do ser bikewê.''