Koordînasyonê KJKyî vera tehdîdê vîrusê Korona yo ke heme dinya ser o tesîrêko gird keno eşkerayîyêke daye û nê pare kerdî:

''Xeylêk wexto ke rojdemê dinya yo tewr girîng virîsê Korona yo. Sîstemê kapalîstî semedê kar û xirsê xo dinya arde yew hale ke tede nêno ciwîyayene.  Nika semedê têkoşînê vera Korona çareserîya înan bêçareyîye ya; 'bipawê bivînê, êyê ke weş bimanê yê ma yê.' Wîna fikiryene. Aye ra ganî her kes goreyê şertanê xo tedbîran bîgêro. Şarê ma ganî nê demî rê cîdî nizdî bo.  Wa şarê ma tedbîranê xo bîgero meşiro cayanê sixletîyan û mesafeyê xo yê sosyalî bipawo. Bi tedbîran beno ke jan sinorê cêrîn de bimano. Reyna ganî nê rojanê tengan de paştdayîş bêro ramotene. Wa her kes wayîrê cîran û taxanê xo bivejîyo kesê ke tengayî de wa paştî bidîyo înan. Semedê komelê biweşîye ganî her kes berpirsîyarîya xo bica bîyaro.

Bi îzolokerdişî vera janê Korona têkoşîn yeno kerdene. La bi serran o ke  bi zorê dewlete zîndanî bîyî pirr û bi hezeran hepsîye sîyasîyî û Rayber Apo binê tecrîdê giranî de tengayî ancenê. Ewro xeylêk kesî hîna rind fam kenê ke Rayber Apo û hepsîyê sîyasîyî senî zehmet ancenê. Cunku zafê dinya wextêko binê îzolasyonî de ya. Îzolasyonê serê Rayber Apoyî hespîyanê sîyasîyan de biqîrê sotê tînan nêvejîyeno û destê xo derg bikerê çew nêtepişeno. Ê hucreyanê teng û xorîyan de yê û heme heqê înan yê bingeyênî ameyî xespkerdene. Înan ser o zexto psîkolojîk sîstematîk yeno kerdene. Coka ganî heme şarê kurdî û hetê demokratî wayîrê Rayber Apoyî û hepsîyanê sîyasîyan bivejîyê. Wextê vîrusê Korona de ganî waştişê azadîye ya seba Rayber Apoyî û hepsîyanê sîyasîyan xurtêr  bo û semedê caardişê  ci rêxistinkerde bêro têgêrayene.''