Koordînasyonê Komalanê Cinîyan ê Kurdîstanî (KJK) bi wesîleya serrgêra Terteleyê Dêrimî û hêrişê vera şehîdgehan eşkerayîyêka nuştekîye daye.

Eşkerayîya KJKyî wina ya: ''

''Ma serrgêra 83. de pêro qurbananê Terteleyê Dêrsimî bi hûrmetyad kenê û pare kenê ke têkoşînê ma do bireso armancê xo. Nê esasî ser o ma pêro şarê xo rê ke vera qirkerdişî xo ver dano selam keno.

Terteleyê Dêrsimî çarçewa Planê Şark Islahatî de ame kerdene. Qirkerdişî ra ber domanê Dêrsimî keyeyanê xo ra gêrîyayî û YÎBOyan de ameyî perwerdekerdene, qiseykerdişê ziwanê dayîke ci rê ame qedexekerdene, ameyî surgunkerdene. Na hîşmendîye 83 serran ra nata dewam kena. Na hîşmendîya nêweşe pêro dinya de hetê kurdan ra deşîfre bîye. Vera nê terteleyî ganî pêro dêrsimijî abigêrê waranê azadan. Rayberê xoverdayîşê Dêrsimî zerrîya kurdan de yê. Ma sere de Seyîd Riza, Besê, Zarîfe û pêro qurbananê Dêrsimî bihûrmet yad kenê û ma bawer kenê ke Dêrsim sey merkezê kulturê elewîyî bimano û wayîrê erjanê xo bivejîyo. Wezîfeyo girîng o ke merdimî cayê goranê xo bimusê û têkoşînê huqûqî, sîyasî û komelkî geş bikerê.

Îqtîdarê AKP-MHPyî pê metodanê gemarinan hêrişê erjanê merdimîue keno. îqtîdar hêrişê goranê gerîlayan keno, nê goran xirab keno û bi nê hawayî şarê kurdî ra qesasê xo gênê. Bi nê hawayî wazenê ke şarê kurdî bidejnê. Hêrişê TCyî yê vera goran xîretê bêrûmetkerdişê rûmetan û bêerjkerdişê erjan o. Dewlete adir viste zerrîya dadîyan û bi nê hewayî keyeyanê gerîlayan ê şehîdan rê zî îşkence kerd.

Nika verê komelî de îmtîhanêk esto. Ya komel do bêveng bimano û bibo hemparê na bêrûmetîye yan zî vengê xo berz bikero û rûmetê xo bipawo. Ganî keyeyê şehîdan, welatperwerî na bêrûmetîye red bikerê û têbigêrê. Şarê ma zaneno ke çîyêk zî azadîye ra weşêr û rûmetêr nîyo. Pê na hîşmendîye ganî ma wayîrê erjanê xo bivejîyê û nêrazîbîyayîşê xo vera nê hêrişan bimojnê. Komel eşkeno medyaya komelkîye ser o nêrazîbîyayîşê xo bimojno. Eşkeno çalakîyan bikero. Ganî ma destûr nêdê ke faşîzm goranê ma teng bikero. Nê hêrişî tim namerdîya dişmenan bîyarê vîrê ma.''