Koordînasyonê KJKyî derheqê tecrîd û sîstemê Îmraliyî de eşkerayîyêke daye.

Eşkerayîya KJKyî wina ya:

''22 serran ra nata vera Rayber Apoyî tecrîdêko sîstematîk yeno kerdene ke no tecrîd hînî vurîya îşkence. Hêrişê vera Rayber Apoyî netîceyê hêrişanê qirkerdişî yê. Vera Rayber Apoyî, Vakur, Başûr, Rojawan, Rojhelatê Kurdîstanî, kurdan, gerîlayan hêrişê qirkerdişî bîyî xorinêr. Hetêkî ra fikrê Rayber Apoyî pêro Rojhelatê Mîyanênî de vila benê hetêkê bînî ra zî gerîlayê Kurdîstanî derbanê giranan danê polîtîkayanê asîmîlasyonî ro. Hêzanê kolonyalîstan zî seba ke qesasê xo bigêrê polîtîkaya şerê taybetî viste dewre. Ewro vera kurdan qirkerdişî yenê kerdene. Coka Rayber Apoyî vat: 'Tecrîdê vera mi, tecrîdê vera Kurdîstanî yo'. Tecrîd polîtîkayêka mîyanneteweyî ya.

Pêvînayîşê bi Rayber Apoyî goreyê keyfê dewlete yenê kerdene. No zî mojneno ke dewlete vera Rayber Apoyî polîtîkaya rehîne ana ca. Avûkatê Rayberê ma wextêkî ra nata nêeşkenê pêvînayîş bikerê. 22 serran ra nata Rayber Apo teberî ra bêxeber o. Îmrali de tecrîdêko xirab û sîstemê îşkenceyî estê. Derheqê weşî, asayîş û cuya Rayber Apoyî de zanayîşêk nêno girewtene. Nê sîstemê tecrîdî de heq û huqûq çin o. Rixmê naye zî ci rê cezaya dîsîplînî ya 6 mengan dîyena. Bi nê cezayanê dîsîplînî Rayber Apoyî rê îşkence yeno kerdene.

Nê bêhuqûqî, tecrîd û polîtîkayê rehîne hetê CPTyî ra ameyî raporkerdene. CPTyî na rewşe tesbît kerde û tay pêşnîyazî kerdî. La ganî CPT hêzê xo yê caardişî bimojno. CPTyî rapor, tesbît û pêşnîyazê xo pêşkêşê AKPyî û PA kerdî. Eke CPT wazeno hemkarîya nê tecrîdî ra bixeliso ganî  hetê caardişî ra mesuldarîya xo bimojno. Kurdî û rayaumûmîye pabeyê ney ê.

Ma sey KJKyî vanê ke 'Ma sîstemê îşkence û tecrîdê Îmraliyî parçe bikerê.' Wext wextê azadkerdişê Rayber Apoyî yo. Coka ganî sere de cinîyî kurdî hesabê nê sîstemê vera Rayber Apoyî bipersê. Ma do nê tecrîd û îşkenceyî qet qebul nêkerê. Ma xora heta nika zî qebul nêkerd. Ma hukmatê qirkerî yê AKPyî hîşyar kenê ke cade nê hêrişan ra fek vera bido. Azadîya Rayber Apoyî do Tirkîya tarîtîye ra bixelisna.

Rayberê ma vera nê hêrişanê giranan rayberîya xoverdayîşêkê bêhempayî aferneno. Ma qerardar ê ke xeta xoverdayîşî ya Rayber Apoyî de têkoşîn pîl bikerê û Rayberê xo Îmrali ra azad bikerê.

Nê esasî ser o ma venga pêro cinî, ciwan, şarê xo danê ke vera tecrîdî hîsger bibê, her ca de çalakîyan bikerê û wayîrê azadîye xo vejîyê. Ma bi hawayêkê xurtî wayîrê Rayberîya xo vejîyê. Ma vera polîtîkayanê qirkerdişî yê dişmenî cewabêkê xurtî bidê.''