Kooerrdînasyonê KJKyî derheqê tecrîdkerdişê Rayberê Şare Kurdî Abdullah Ocalanî de eşkerayîyêk weşanaye.

Eşkerayîya KJKyî wina ya:

"Rayber Apo 15ê sibate de bi komployêkê mîyanneteweyî ame berdene bi girava Îmarlîyî û 20 serrî ra zêdêr o ke binê tecrîd û îzalosyonî de yo. Her wext bi caardişanê giranan ci rê cezaya taybete yena dayene. Pêvînayîşê ey reyde yenê atsengkerdene, avûkatî ey yenê qedexekerdene, nêverdenê ke Rayberîye nameyan bigêro û bierşawo, kitab, qeleme û defter nêdanê ci.

Rayber Apo her tim şar, cinîyan û komelî reyde fikirîya û bi nê hawayî cewab da şert û mercanê tewr giranan. Komel, ciwan û cinîyan ra waşt ke eke ey fikirîyenê, ey ra hez kenê û ey hîs kenê ganî her çi bikê. Pare kerd ke rûmetê merdimîye bi fikr, ruh û raştîya azadîye eşkenê cewab bidê şert û mercanê îşkenceyî.Ma zanenê ke Rayber Apo mîyanê şert û mercanê îşkence de yo. Weşîye û asayîşê ey binê tehlûke û rîskî de yê. Dewleta vera ma ne wîjdan, ne exlaq û ne zî huqûq nas kena. Na dewlete a dewlete ya ke seba ke 3 rayan zafêr bigêra vatene 'Nika ra pey Îmrali de pêvînayîşî do bêrê kerdene, şert û mercî do bêrê başkerdene.' û dima xo na korîye, kerîye û nêzanîye. Dewlete grevê vêşanîye yo ke rayberîya Leyla Guven de ame kerdene ra dima neçare mende ke berê Îmraliyî abika û wextêkê kilmî ra dima zî berî reyda padayî. Naye ra cezaya hucreyî Rayberê ma rê û tepişteyanê sîyasîyan rê birna.

Avûkatanê Rayberê ma kombîyayîşêkê çapemenîye de eşkera kerde ke ê bi hawayêkê tesadûfî pê hesîyayî ke cezayê dîsîplînî yê neweyî ameyî dayene. Gelo Rayberê ma û tepişteyê sîyasîyî goreyê kamyew talîmat û krîterî ameyî cezadayene. No kayê cezakerdişî bêro eşkerakerdene. Rayber Apo û tepişteyê sîyasî yê Îmraliyî nêeşkenê keyeyanê xo û avûkatanê xo reyde pêvînayîşan bikê. Ganî rayaumûmîya demokratîke nê formê cezakerdişî eşkera bika. Ganî rêxistinê heqanê merdiman, Komîteya Vergirewtişê Îşkenceyî (CPT) û Komîteya Wezîran a Konseya Ewropa ganî na babete de berpirsîyarîyanê xo bîyarê ca.

Şar û cinîyê kurdî mîyanê her şert û mercî de eşkenê canê xo Rayberê xo feda bikê. Wa kes naye ra gûman nêko. Komelo ke vurîyayo bedenêko ke destê dewlete de têgêreno hînî komelêko veng o. Coka seba pawitişê cuya xo û caardişê azadîye ganî ma Îmrali ra dest pêbikê û pêlê hêrişê polîtîkayê tecrîdî çin bikê. Seba wîjdan û rûmetê merdimîye ma heqê 'seba herkesî edalet, cuya azade' bipawê.Cinîyê kurdî, dost û wîjdanê komelê demokratîkî ganî na rewşe qebûl nêkê, vera ci têbigêrê û vajê Rayber Apo azadîya ma yo, cuya Apoyî sebebê estbîyayîşê ma yo. Ma venga her kesî danê ke verê naye bi berpirsîyarî têbigêro, çalakîyanê biplanan û rêxistinbîyayeyan biko."