Koordînasyonê Komalanê Cinîyan ê Kurdîstanî (KJK) derheqê hêrişê vera cinîyan ê kurdan de eşkerayîyêke daye û nê pare kerdî:

''Dewleta tirke ya faşîste, îqtîdarê AKP-MHPyî hêrişê xo yê faşîstî serra 2020î de zî zêdînayî û şerê îşxalê Kurdîstanî pîl kerd. Ewro îqtîdar teda û hêrişan zêdîneno. Seba ke estbîyayîşê xo dewam bikerê pêro hêzê xo seba terorî seferber kerd.

Rejîmê Erdoganî her cayê Kurdîstanî de esasê qirkerdişî ser o dişmenîya xo dewam keno. Tirkîya de dest nîya pêro destkewteyanê cinîyan ser. Pê mekanîkê darbe, hêrişê vera komele û dezgehanê cinîyan zêdîyayî û cinîyê çalakîkerî ameyî tepiştene.

Leyla Guven pê averşîyayîşê têkoşînê azadîye yê cinîyan, cinîyanê kurdan rê bîye rayber. Komelê kurdan o azad cinîyan ê kurdan ê azadbîyayeyan reyde payan ser o û xurt o. Coka faşîzmê AKP-MHPyî vera cinîyan şerêkê taybetî keno.

Na hîşmendîye janê Korona zî xo rê kerd firsendêk û wextanê xo yê peyênan ciwîyena. Pê qeyûm û tepiştişan îradeyê şarê ma do nêro teslîmgirewtene. Îqtîdaro faşîst şexsê Leyla Guven de tewirê sîyasetê komelî ra zaf tersa. Vera Musa Farisogullari zî nêzdîbîyayîşo winasên esto. Vera şarê kurdan darbe ameye kerdene. Ma reyna veng danê ke ganî temsîlkarê şarê kurdî bêrê veradayene. Pê xoverdayîşî îqtîdaro faşîst do bêro çinkerdene. Nê şerî de dîktatorîya Erdogan û Bahçelî do bixeniqê.

Ewro dinya de , Rojhelatê Mîyanênî de Kurdîstan û Tirkîya de şar azadî û demokrasî wazeno û vera sîstemê dewletperwerî payan ser o. Coka vera AKP-MHP nêrazîbîyayîşî zêdîyenê. Faşîzmê AKPyî vera xoberdayîşê cinîyan û tewirê Leyla Gucen neçare yo ke çin bibo. Na hîşmendîye emrê xo qedîna. Xoverdayîşo komelkî yê şarê ma û cinîyan nika ra ser kewt.''