Koordînasyonê KJKyî bi wesîleya 8ê Adare Roja Cinîyan ê Kedkaran a Dinya hemleya ''Ma bi Jin, Jiyan Azadî ver bi şorişê cinîyan rayra şinê''daye destpêkerdene.

Vilaweka 8ê Adare ya KJKyî de ca dîya nînan:

''Nê prosesê ke ma ver bi 8ê Adara Roja Cinîyan ê Kedkaran a Dinya şinê, ma vînenê ke têkoşînê azadîye yê cinîyan ê kurdan hinî têna yew roje nê, her hele, her zemanî ra vila bîyo. Têkoşînê cinîyan bi unîversal. Sere de Rojawan û Kurdîstan û Rojhelatê Mîyanênî de bi têkoşînê cinîyan ame vînayene ke şorişê cinîyan xeyal nîyo.Têkoşînê cinîyan semedê medimîye bi hêvî. Na çarçewe de îdeolojîya ma ya xelisnayîşî ya bi bingehê jîneolojî , paradîgmaya azadîye, têkoşînê cinîyan û rêxistinbîyayîşê ma têkoşînê azadîye rê serkêşîye kerde.

Ma şehîdanê xo yê cinîya azade yad kenê û sozê caardişê şorişê cinîyan newe kenê. Bi wesîleya na roja têkoşînî ma 129 cinîyê ke Amerîka de grev de ameyî vêşnayene, Clara Zetkin, Rosa Luksmburg, Sara-Sakine Cansiz, Vîyane Caf, Şîrîne Elemhulî, Şîlane Kobanê, Arîne Mîrkanan ra heta Jîna Emînî û heme cinîyan ê têkoşeran silam kenê.

Azadîya Rayberîye Azadîya Cinîyan a

Rayberê ma  Abdullah Ocalanî pratîk de mojna ma ke hemrayê ma yo heq o.  Bi wesîleya roja cinîyan , ma Rayberîya xo  bihurmet û heskerdişî selam kenê. Ma tewirê ci yê azadîye û têkoşînê ci yê Îmrlaiyî pîroz kenê. Şero esasî Îmrali de yeno rayraberdene. Vera nê Rayberîya ma têkoşînê xurtî dano. Azadîya Rayberîya ma, azadîya ma ya.  Azadîya fîzîkîye ya Rayberîye ma wezîfeyê ma yo verên o. Badê erdlerzî reyna polîtîkaya qirkere ya îqtîdarê AKP-MHPyî ameye dîyene.  Ganî semedê rijnayîşê nê îqtîdarî xebatê lezabez û bitesîrî bêrê kerdene.

Jin Jiyan Azadî

Îran û Rojhelatê Kurdîstanî de bingeyê slogana ''Jin Jiyan Azadî'' de serkêşîya cinîyan de serewedaritişo ke heme komelî geno mîyanê xo, tarîxê Rojhelatê Mîyanênî û dinya de çîyo verêne o. Bi qetilkerdişê kênaya kurde Jîna Emînî serewedaritişî dest pêkerd. Şaranê Îranî serkêşîya  cinîyan de vera dewleta camêrdî bi slogana Jin Jiyan Azadî prosesêko newe yê azadîye da destpêkerdene. Bi wesîleya 8ê Adare ma têkoşînê cinîyan şaran ê vera dewleta Îranî selam kenê.

Xoverdayîşê Gerîlayan

Gerîlayanê ma yê YJA Starî waranê Zap û Avaşînî de şerê vera dewleta tirke de performanso zaf xurt mojna.  Cinîyan ê kurdan reya verêne wina bitesîr semedê xurtkerdişê têkoşînî her ca de têkoşîn kerd. Nê têkoşînê cinîyan Zap û Avaşîn de verê dewleta tirke girewt. Hêzanê YJA Starî serra 30ine ya artêşbîyayîşê ma de, tarîxê ma yê şerî de yew pelo newe akerd. Fermandar û şervanê gerîlayî yê cinîyî resayê wina yew merhale ke eşkenê şerê pêroyî îdare bikerê. Gerîlayanê YJA Starî serranê 2021 û 2022yî de xo her hetî ra aver berd û serkêşîya gerîlayanê modernîteya demokratîke kerde. Tarîxê meridmîye de reya verên a ke cinîyî wina mîyanê şerî de rolo stratejîkî kay kenê.

Waro tewr esasî yo ke têgêrayîşê cinîyan ê kurdan averşîyayîşo gird mojna Rojawan o.  Garantîya şorişê Rojawanî xebatê azadîye yê cinîyan ê.  Bi xebatanê cîya cîyayan sîstemê cuyeyêka alternatîfî yena averberdene. Bi hezaran cinîyan Şorişê Rojawanî de ca girewt û xebityayî. Hendê cinîyan ê kurdan cinîyê ereb, ermenî, suryanî û tirkmenî zî mîyanê şorişê de bi hewayêkê qerardarî xebitîyenê. Şorişê ma yê cinîyan ê Rojawanî semedê cinîyan bîyo hêvî.

Ma sey cinîyan ê kurdan ewro çar letayanê Kurdîstanî û tewberê welatî de hêzo tewr birêxistin ê cinîyan ê. Na çarçewe de ma sey têgêrayîşê azadîye  hemleya ''Ma bi Jin, Jiyan Azadî ver bi şorişê cinîyan rayra şinê'' danê dest pêkerdene. Bi na hemle ma wazenê ke her hetî ra têkoşîno komelkî bêro xurtkerdene. Ma do semedê azadîya fîzîkîye ya Rayberîya xo hetekî ra  hemleya ''Dem Demê Azadîye yo'' ya ke ma pîya bi KCKyî daye destpêkerdene, bidê domnayene û hetê bînî ra  ma do semedê înşakerdişê sîstemê xo, çareserkerdişê problemanê cinîyan na hemleya xo aver berê.

Ma na hemleya xo  dîyarîya şehîdanê xo yê serra 2022yî kenê. Sey hemleyanê ma yê bînan do na hemleya ma zî do prosesê tewr muhîmî yê tarîxê ma de do rolê xo yê muhîmî kay bikero. Ma xo vîr ra mekerê ke na hemle eynî wextî de hemleya înşakerdişê komelkî ya. Ma serkêşîya cinîyan de têkoşînê komelkîyî xurt bikerê. Ma paştî bidê cinîyan ê mexdûranê erdlerzî. Ma tewrê çalakîyanê 8ê Adare bibê û AKPyî teşhîr bikerê. Ma paştî bidê serhildanê Îranî û heme cinîyan ke dinya de têkoşîn kenê. Nê bingeyî de ma reyna vanê ''Jin Jiyan Azadî''.