Koordînaysonê KCKyî bi eşkerayîya nuştîkîye da pêhesnayene ke ê paştî danê Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî û ê zî sey paralelî Hemleya 'Vera Qirkerdişê Cinîyan Wextê Pawitişê Cinîya Azade û Komelî yo' daye destpêkerdene.

Eşkerayîya KJKyî wina ya:

''Dewleta tirke  seba ke têkoşînê cinîyan ê kurdan ra tersena polîtîkayanê xo yê qirkerdiş û asîmîlasyonî tewr zaf  înan serî ra rayra bena. Cinîya azade û xoverdayoxê semedê îqtîdarê AKP-MHPyî cinîya tewr bitehluke ya. Coka dewlete sîtematîk hêrişê cinîyan kena. Hetê leşker û wezîfedaranê MÎTî ra plankerde tecawuzî yenê kerdene.Tarîqat, mekteb û cayanê wînayênan sey cayanê xerckerdişê  cinîyan ê kurdan û ciwanan hesibnenê. Kesê têkoşêrî û zanayeyî zî  erzîyenê zîndanan. Hêrişê dewlete tersê tewirê azadîye yê cinîyan ra yo û raşta zî gerek bitersê. Xeta cinîya azade do faşîzmê îqtîdarî birijno.

Na çarçewe de Hemleya 'Tecrîd, Faşîzm, Îşxalî rê Bes o, Wext Wextê Azadîye yo' têkoşînê ma kirişto merhaeleyêka newî. Ma  sey KJKyî paştî danê na hemleya serkewtişî û veng danê ke wa heme cinî û rêxistinê kurdan aktîf paştî bidê na hemle. Têna cinîyê kurdî nê heme cinîyî ganî wayîrê na hemle bivejîyê. Paradîgmaya Rayberîye sîstemêk o û hetê heme şaran ra amo qebulkerdene. Ma sey têgêrayîşê cinîyî rojdemê ma yo verên tecrîdê serê Rayber Apo yo. Nê bingeyî de ma zî  sey paralelî Kampanyaya 'Vera Qirkerdişê Cinîyan Wextê Pawitişê Cinîya Azade û Komelî yo' daye destpêkerdene. Hemleya KCKyî û hemleya KJKyî do yewbînan weye bîkerê. Na çarçewe de ma veng danê heme cinîyan, şar û dostanê xo ke dormeyê hemleya KCKyî û hemleya ma de bêrê têhet û têkoşînî pîlêr bikerê ke îqtîdaro faşîst birîyo.''