Koordînasyonê KJKyî vera kişîyayîşê George Floydî  bi eşkerayîyêke nêrazabîyayîşê xo ramojna û nê pare kerdî:

''Şaristanê Minneapolisî yê DYA de 25ê gulana 2020î de afro-amerîkan Geroge Floyd hetê polîsêkî ame qetilkerdene. Ma nê cînayetê nîjadperestî yê dewlete şermezar kenê. No cînayeto sîyasî heyfo ke ne verên o ne zî peyên. 19ê sibata 2020î de zî şaristanê Hanau yê Almanya de kurdî zî tede 10 kesî hetê faşîstêkî ra ameyî kiştene. Kurdî seba nasnameyê xo tim hedefê hêrişan benê. 

Ganî hêrişê winasênî warê sîyasî û komelkîyî de bêrê ercnayene. Heta ke nîjadperestî û pederşahî çarçewa netewe-dewlete û kapîtalîzmî de nêrê ercnayene merdim nêeşkeno vera ci têkoşîn bikero.

Vera ma kurdan tim hêrişê nîjadperestî yenê kerdene. Bi serran o ke ma seba heq û azadîye ttêkoşîn kenê, bedelan danê û ma do bidê zî. Na teda xozayî yan zî qederêk nîya.

Kişîyayîşê George Floydî heman wextî de parçeyê şerêkê dewlete yê vera komelî yo. Serranê peyênan de dewletî tedbîranê xo zêdînenê û coka vera mkuxalîfan gefêko pîl esto. Goreyê çapemenîya DYA 1099 kesî ameyî kiştene. 

Wexto ke sîstemo kolonyal zêde beno ganî têkoşîn û xoverdayîşê vera ci zî zêdêr bibê. Têkoşîno yewparçe yê vera nê sîstem, nîjadperestî, kapîtalîzm, netewe-dewlete û pederşahîye  û awankerdişê sîstemêkê alternatîfî zaf girîng ê. Pê awankerdişê sîstemê demokratîk, ekolojîk û azadîya cinîyan qesasê pêro şehîdan ma do bigêrê û verê pêro qirkerdişan ma bigêrê.''