Kongreya Starî ya Herêma Efrînî Kampa Berxwedanê de bi eşkerayîyêke tecrîdê vera Rayberê Şarê Kurdî Abdullah Ocalanî şermezar kerd. Endamê Kongreya Starî tewrê eşkerayîye bîyî. Eşkerayîye de fotografê Abdullah Ocalanî ameyî kiriştene û alaya Kongreya Starî ameye akerdene. Endama Kongreya Starî Zahîde Memo eşkerayîye wende.

Eşkerayîye de nê çîyî ameyî vatene: ''Nameyê Kongreya Starî ser o ma kerdiş û sîyasetê dewleta tirke şermezar kenê. Tecrîdê vera Rayber Apoyî sîyasetê AKPyî eşkera keno. No sîyasetê qirkerdiş, remnayîş û tepiştişî binê nameyanê cîya-cîyayan de yeno caardene.  Dewleta tirke wazena şexsê Rayber Apoyî de îradeyê şarê kurdî bişikna. Rayber Apoyî Zîndanê Îmraliyî vurna çimeyê azadîya şaran û heqîqatî.

Dewleta tirke tecrîdî reyde hêrişê fikran kena. Ma sey Kongreya Starî ya Herêma Efrînî nê kerdişan, bêvengîya dinya, bêvengîya CPTyî şermezar kenê. Ma do sîstemê Îmraliyî bişiknê û Rayber Apo azad bikerê.''

Eşkerayîye bi slogananê 'Biciwîyo xoverdayîşê Îmraliyî' û 'Bê serek cuye nêbena' qedîyaye.