Kongreya Starî serrgêra 6. ya Fermanê Şingalî de qirkerdişê êzidîyan şermezar kerd û pare kerd ke sebî ke rayberîya cinîyan ê kurdan de cergê DAÎŞî ameyî çinkerdene ewro zî bi heman hîşmendîye ê xo ver danê.
Kongreya Starî pê eşkerayîyêke serrgêra 6. ya Fermanê Şingalî de qirkerdişê êzidîyan şermezar kerd.
Eşkerayîya Kongreya Starî wina ya:
''Seke zanîyeno 3ê tebaxa 2014î de DAÎŞî waşt ke êzidîyan qir bikero û êzidîtîye çin bikero. Pêro dinya vera nê qirkerdişî bêveng mende. DAÎŞî cinîyê êzidîyî remnayî, kerdî kole û bi hezaran merdimî qir kerdî. Înan waşt ke êzidîyî bi temamî werte ra bêrê wedaritene.
La planê înan nêame ca. Hêzanê HPG, YJA-Star, YPG-YPJyî vera fermanî korîdorê azadîye akerdî û êzidîyî resnayî selametîye. Netîce de Şingal DAÎŞî ra ame pakîkerdene. Azadî û demokrasî, wayûbiratîya şaran Şingal vera îşxalkerîye kerd gandar.
Ewro hîşmendîya DAÎŞî hetê dewleta tirke ra Rojawan de dîyena dewamkerdene. Pêro parçeyê Kurdîstanî vera na hîşmendîye xo ver danê. Ganî ma vera tehdîdanê serê Şingalî û planê hêrişê serê Rojawanî rayberîya cinî û ciwanan de pîya têkoşîn bikerê û xo ver bidê.''
