Kongreya Starî bi eşkerayîyêke ambargoyê Mexmurî, hêrişê dewleta tirke yê vera Mexmûr û waranê gerîlayan û qetilkerdişê dayîka efrînije ya 80 serre  şermezar kerd.

''Eşkerayîye de nê ameyî parekerdene: Şarê kurdî û rayapêroyîya demokratîke semedê tengijîno ke warê Zînî Wertê qewîmîyeno qerqilîyeno. Eşkerayo ke hedefê nê qewimîyayîşan de erjê kurdan estê. No semedê heme hêzanê ke semedê azadîya kurdan şer kenê tehlukeyo gird o. Ganî PKK, PDK û YNK bêrê têhet û bi dîyalogî mesela çareser bikerê. Ganî cade xebatê yewîya neteweyîye bigêrîyê rojdem û PDK gamanê ver bi 'birakujî' kiştişê wayûbirayî ra dûrî vindero. Reyna ganî heme kurdîstanijî, welatperwerî, demokratî, çepgirî, sosyalîstî, roşnvîrî, hunermendî, têgêrayîşê cinîyan û komelê sivîlî, rayberê eşîr û îtîqatan vengê xo berz bikerê ke mîyanê kurdan de şerêk nêro qewimîyayene. Vera polîtîkaya qirkerdişî ganî ma bibê yew û têkoşînî xurtêr bikerê.''