Qezaya Licê ya Amedî de êlula 2019î de 5 cinîyê kedkarê keyeyan ameyî têhet û înan ''Kooperatîfê Cinîyan ê Licê'' na ro. Kooperatîf nika xeylêk cinîyan îstîhdam keno. Cinîyan kooperatîf de reya verêne dest pê viraştişê rîçal, tirşî, salçe kerd. Cinîyan dima zî verê xo da tekstîl û berhemanê şitî. Cinîyî nika teberê welatî ra zî sîparîşan gênê.

Kedkaranê kooperatîfî ra Nesrîne Bahar îfade kerd ke ê hem xebitîyenê hem zî keye de mesuldarîya xo anê ca û ê eşkenê sey cinîyan heqê her çî ra berê.

Sereka Kooperatîfê Cinîyan ê Licê Bedrîye Dolak zî vat: ''Ma pîya xebitîyenê û ma hêverî giranîye danê xebata cinîyan ser. Ma hewcedarîyanê xo yê werdî Licê û dewanê ci ra peyda kerd û goreyê sezonî berhemî ber ardî. Ma çante û kincan zî virazenê û teberê welatî ra sîparîşan gênê. Ma nika pendîr virazenê. Ma her roje dewanê cîyayan ra qasê 300 lître şit danê arê. Ma do bimojnê ke cinîyî senî serkewte yê. Ma pê nê kooperatîfî armanc kenê ke seba cinîyan warê îstîhdamî abikerê û cinîyî azadîya ekonomîke ya xo bivisnê destî.''