Kampanyaya '1000 Îmza û 100 Sebebê Seba Hukmkerdişê Dîktatorî' ya TJK-E şaristananê Bern û Lozanî de dewam kena.

Bern

Paytextê Bernî yê Swîsre de Meclîsê Cinîyan ê Mizgîne çarçewa Kampanyaya '1000 Îmza û 100 Sebebê Seba Hukmkerdişê Dîktatorî' de verê Parlamentoya Swîsre de îmza arê dayî. 

Wekîla Partîya Sosyalîste Tamara Funiciello ANFyî rê qisey kerd û vat: ''Erdogan ganî bêro hukmkerdene. Ma pê hêvîdar ê ke na kampanya do ser bikewa.''

Lozan

Lozan de zî kampanya hetê Meclîsê Cinîyan ê Lajine ra yena caardene. Aktîvîstan cayanê cîya-cîyayan ê şaristanî de standî akerdî û îmzayî arê dayî.

Aktîvîste Hêvî Aydogan derheqê kampanyaya înan de wina vat: ''Ma venga pêro dezgeh û rêxistinan danê ke wa tewrê kampanyaya ma bibê. Ma femînîstanê Swîsre reyde konferans û kampanyayan kenê û derheqê kampanyaya xo de agahîyan danê. Ma 7ê sibate de zî tewrê konferansê Grevê Cinîyan bîyî û 25ê sibate de ma do sey cinîyan ê kurdan tewrê Konferansê Cinîyan bibê.''