Têgêrayîşê Cinîyan ê Kurdan ê Ewropa (TJK-E) derheqê serrgêra 22. ya Komployê Mîyanneteweyî de eşkerayîyêke daye û bi şîarê 'Wext Wextê Azadîye yo'  û 'Wext Wextê Ocalanî rê Azadîye yo' seba tewrbîyayîşê çalakîyan veng da.

Vengdayîşê TJK-E wina yo: ''Ma Komployê 9ê Teşrîna Verêne şermezar kenê. Xoverdayîşê vera Komployê Mîyanneteweyî dewam keno. Na çarçewe de ma venga her kesî danê ke tewrê Hemleya 'Tecrîd, Îşxal û Faşîzmî rê Bes o, Wext Wextê Azadîye yo' bibo. Ma do sey cinîyan rayberîya na hemle bikerê, sîstemê tecrîd û îşkenceyî yê Îmraliyî bişiknê û azadîya Rayber Apoyî bivisnê destî. Seba ke ma komplogeran, bêvengîya Ewropa ya vera tecrîd û faşîzmê dewleta tirke şermezar bikerê û seba azadîya Rayber Apoyî 9ê teşrîna verêne de Bruksel û Strasbourg de ma do çalakîyanê protestoyî bikerê. Ma venga pêro kurd, sosyalîst, demokrat, cinî, şorişgêr û dostan danê ke bi şîarê 'Wext Wextê Azadîye yo'  tewrê çalakîyan bibê.''

Bruksel:

Saete: 14:00

Adres: Place du Luxembourg

1050 Bruksel

Strasbourg:

Saete: 12:30

Adres: Place Kleber 2 Rue de l’Outre

67000 Strasbourg”