Koordînasyonê Partîya Azadîya Cinîyan a Kurdistanî (PAJK) bi wesîleya serrgêara 20’in a komploya mîyanneteweyîye ya 15'ê Sibate eşkerayêk daye.

Eşkerayîye de ame vatene, “Komploya ke qirkerdişê Kurdan kerdo xo ver, kewena serra 21’ine. Ma hêzanê komplogeran bi hêrs şermezar kenê  û bewlî kerd ke, têkoşînê ma seba vergirewtişê komploya ke wazena biresa amancê xo û azadkerdişê Rayber Apoyî yo. Bi wesîleya 15'ê Sibate, ma şehîdanê hemleya “Şima nêeşkenê rojê ma tarî bikerê” û heme hevalanê xo yê qehreman ê ke têkoşînê azadîya Rayberî de canê xo feda kerdo bi mînetdarî  û bi rêzî anê xo vîrî. Şehîdê ma yê ke xorînî û hîrayîya komploye gama verêne de dîya, leşa xo kerde gogêka adirî û xo feda kerdo, ma do seba vîrardişê înan azadîye ser bifînê.

Eşkerayîya PAJK’î wina ya:

PROSESÊ 20 SERRAN NÎŞANÊ VINETIŞÊ TESLÎMNÊBÎYAYÎŞÎ YO

Eşkerayîye de ame vatene, “Rayberê ma vernîya destpêkerdişê şerêkê Kurdistanî û Rojakewtena Mîyanêne û dinya de sey astengîyêka tewr girde ame dîyayene, coka waştişê tasfîyekerdişê ey ame kerdene. Rayber bi komploya mîyanneteweyîye ame esaretkerdene û teslîmê Tirkîya ame kerdene. Bi nê hawayî ame plankerdene ke Rayberê ma bi destê dewleta Tirkî bêro îmhakerdene û şerêkê Kurd-Tirkî bêro mîyan. Şexsê Rayber Apoyî de komploye vera şarê Kurdî, cinî û her kesanê azadîperweran ame kerdene û bi saya vervînîtişê Rayberê ma hîna roja destpêke de verê komploye ame girewtene. Rayberê ma seba ke komploye nêresa hedefê xo, kewt mîyanê cehd û têkoşînêkê girdî. Prosesê 20 serran nîşanê vinetişê teslîmnêbîyayîşî yo.

Hêzê komplogerî vera naye hêrişê serê Rayberî zêde kerdî û bi girankerdişê sîstemê îşkence yê Îmraliyî wazenê ke heyf bigê. Timî hêrişê rêxistine Kurdîtîya azade û nasnameyê cinayanê azadan yo ke hetê Rayberî  ra ame viraştene kenê. Rejîmê TC’yî yo faşîst û qirker, bi paştîdayîşê hêzanê mîyanneteweyîyan û NATO’yî her demî ra hîna zêde wazenê ke hêrişê Rayber Apoyî bikerê. Komploya ke 20 serrî temam kerdê, wazenê ke bi şeklo hîna xorînkerde, bi îşkenceyê tecrîdê girankerdeyî reyde şarê Kurdî esîr bigêrê. La xoverrodayîşo ke roje bi roje Îmraliyî ra çar hetê Kurdistanî de vila bîyo, xeta xoverrodayîş û azadî ya şarê Kurdî nîşan dayo. Cinî, ciwan, doman, kokim, her welatperwer û şoreşgerê Kurdistanî bi îradeyê xo yê azadî, rûmetdarî wayîrê têkoşînê azadîye û destkewteyan vejîyayê, xo rêxistin û zana kerdo.

'Sîstemê tecrîdî' yo ke vera azadîya Rayber Apoyî yeno kerdene û cinî û ciwan hemeyan zî gêno zereyê xo, sey sûcê vera merdimîye yeno namekerdene. Grevê vêşanîye yê ke seba parçekerdişê 'Sîstemê tecrîdî' yenê kerdene, hetê tarîxî ra hêca yê. Hevale Leyla Guvene ya ke bi nameyê heme cinîyan qîreyena êdî morê xo dayo têkoşînê azadîperwerî, sosyalîst û şoreşgerî yê cinîyan ê dinya, bi taybet zî cinîyanê Kurdistanî ra. Nika ra ney nîşan dayo ke na çalakîye ser kewta û xoverrodayîş do virnîya serkewtişî a bikero. Şexsê Leyla Guvene de serkewtiş do bibo ya cinîyan.

Êdî wext wextê gêrayîşî yo. Wext ameyo ke ma rejîmê fîşîst ê TC’yî cayo ke dest pê kerde biqedînê û cinîyan azad bikê. Tek rayîrê naye zî wedaritişê tecrîdê Îmrali yo. Wedaritişê tecrîdî, azadkerdişê Rayber Apoyî  rayîrê şoreşê cinîyan o. Seba ney zî kîşta cinîyan ê Kurdan, ma vengdayîşê cinîyanê azadîperweran ê Rojakewtena Mîyanêne û Ewropa kenê ke dormeyê Rayberî de ma bibê yew, şoreşê cinîyan xurt û gird bikerê. Ma cinîyan hemeyan dawet kenê ke 15'ê Sibate de bivejê meydanan û helwêste vera faşîzmî nîşan bidê.  Cinî do tecrîdî bişiknê, faşîzmî birijnê û peynîya bandura camêrdan bîyarê û Rayberî azad bikerê.