Platformê Rojnamegeranê Cinîyan yê Mezopotamya Rojnamegere Gurbetellî Ersoze yad kerde. Platformî dîyar kerde ke na roje eynî wexte de sey ‘ Roja Têkoşîn û Xoverdayîşê Rojnamegeranê Cinîyan yê Kurdî‘ yena peşwezî kerdene û va: ‘‘Gurbetellî  ke sey nameyê cesaret û xoverdayîşî yena nas kerdene, ma do zerrîya aye bi pênûsanê xo herra xo de nêqş  bikere.''

Eşkerayîye ra tayî cayî wina yî:

‘‘No dewro ke polîtîkaya qirkerdişî dîyena ramitene, azadîya çapemenîye çîn a û bi desan emegdarê çapemenîye zîndanan de ye, dewrêko winasin de ma Roja Rojnamegeranê Cinîyan yê Kurdî peşwazî kenî. Reyna Ewro roja şehadetê îdarakaranê Ozgur Gundemî ra Rojnamegere Gurbetellî Ersoze ya. Gurbetllî ke cigêrayîşê heqîqatî û pêrodayîşê xo ma rê mîras verdayo, sergêrra qetilkerdişê ci de ma aye bi hurmet û heskerdişî ane vîrê xo.

Têkoşînê û xoverdayîşê aye ra ewro artêşa çapemenîya cinîyan ke pêra nana heqîqatî dima esta. Têkoşînê Gurbetellî sey çapamenîye, xoverdayîşê cinîyan de zî rolê ci girde yo. Rojnemegerê cinîyê ke no mîras dewr girewto, bedelê ci çi beno wa bibê seba qewimîyayîşî nimte mêmanê û heqîqat wa bivejîyo meydan têkoşîn danî.‘‘