Cinîyî mîyanê pêro şert û mercan de alternatîfan awan kenê û cuya xo domînenê. Qezaya Kayapinarî ya Amedî de Salîha Aslana (46) ke dayîreyê apartmanî de ciwîyena  alternatîfêk dî. Salîha dayîreyê xo de şitilanê sebzeyan nana ro û nê şitilan bena dewe xo. Salîha îfade kena ke seba aye mabênê dewe û dayîreyêkê apartmanî de ferq çin o.

Salîhaya ke bi serran o ke şitilê sebzeyan nan ro vat: ''Key şitilê mi benê pîl ez înan bena dewa xo de ramena. Hêverî her kesî mi rê vatene ke ez çira hende zehmet dana xo. La mi goş nêda çew. Ez zimistanan pê sebzeyanê xo ra hewcedarîyanê xo peyda kena. ''

Salîha ard ziwan ke aye emser zî şitilê xo nayî ro la rîyê janî ra nêeşkîyaye şora dewe. Salîha vat: ''Mi emser zaf giranîye daye şitilanê xo. Eke jan nêqedo ez do şitilanê xo zereyê saksîyan ê pîlêran de ramena.''