Malatya: Îmrali de xoverdayîşo xurt esto

Koordînasyonê PAJK’î ra Dîlan Malatya tecrîdo ke mîyan tecrîdî de yeno domnayene sey dewamê komploye name kerd û vat ke no zî ramojneno ke Îmrali de xoverdayîşo xurt esto.

Koordînasyonê PAJK’î ra Dîlan Malatya serrgêra komplode derheqaê tecrîd,  xoverdayîşê Ocalanî û grevanê vêşanîye de ANF’rê qisey kerd.

Malatya ard ziwan ke komploya mîyanneteweyîye şexsê Rayberê Şarê Kurdî Abdullah Ocalanî de sere de şarê Kurdî heme şaran rê ameya kerdene û wina dewam kerd: ‘‘Komplokarî heman wext de vera Têgêrayîşê Azadîye yê Cinîyan zî bî. Rayberîye waştêne ke sîtemo demokratîk û  cuyeya neweye rayberîya cinîyan de aver bêro û no zorê hêzanê serdestî şi. Coka nînan bi komplo cinîyî zî hedef girewtî.‘‘

NÎKA CINÎYÎ RAYBERÎYE KENÎ

Malatya vatişê Ocalanî ‘Projeya mi ya bîngeyêne projeya cinî ya û na projeya mi nîmcet mende xelisyayîş û azadîya komelî pabesteya cinî ya.‘vist vîrî û wina dewam kerd: ‘‘Raberîye rayîrê cinîyan akerd, rayberîye daye înan û cehd kerd ke cinîyî bi destê xo, xo newe ra biafernî û azadîya xo dest bifînî. Têgêrayîyê cinîyan ewro semedê averşîyayîşî mucadelyê xo rê dewam keno.‘‘

GANÎ ŞARÊ MA WAYÎR XOVERDAYOXAN BIVEJÎYO

Malatya bale ante ke nika her  ca de cinîyî lingan ser ê û va: ‘‘Şexsê Leyla Guvene de ewro cinîyî grevanê vêşanîye rê rayberîye kenî. Ma zî sey têgêrayîşê cinîyî heta peynî paştî danê nê çalakîyan. Guvene bi îradeyê şarî ameyî vîjnayene û cinîyêka xoverdayoxe ya. Rixmê hamleya bixîleye ya dewlete Guvene xoverdayîşê xo yo biheybet canêverda. Rayberîya Guvene de xoverdayoxî bi ruhêko fedayî Rayber Apîyî rê wayîr vejîyenê. Coka ganî şarê ma zî dormeyê xoverdayoxanê grevê vêşanîye de çemberêk virazo û paştî bidê înan. Demêko zaf krîtîk o. Beno ke şehadetî bibî. Ganî serhildanê girdî bibî. Tecrîd encex wina yeno qedînayene.‘‘

TECRÎD DEWAMÊ KOMPLO YO

Malatya tecrîdo ke mîyan tecrîdî de yeno domnayene sey dewamê komploye name kerd û vat ke Hîrê serrî yo ke Rayber Apo ne avûkat ne zî keyeyê xo dir eşkeno pêvînayîş virazo. Tecrîd şertanê zehmetan de yeno domnayene. No zî ramojneno ke Îmrali de xoverdayîşo xurt esto. Modernîteya kapîtalîste seba ke çîn mebo bi heme hêzê xo hêrişê Rayberîye kena. Ganî kes bi nê zanayîşî komplo fam bikero û goreyê naye ci rê nêzdî bibo. Dewleta Tirkî ke 40 serrî yo ma dir şer kena, esasî de demê xo yê tewr zeîf de ya la sîstem seba ke payra bimano xebityeno. Erdogan seba ke no weçînitişî qezend bikero çi ke dest ra yeno keno. Semedê pûçvetişê komploye lingenk zî weçînitiş o. Cinîyî yê Kurdan ganî semedê qezenckerdişê weçînitişî zaf bixewtî. Ma sey cinîyî yê Kurdî naye Rabyerîya xo rê deyndarê. Ganî ma şorişê cinîyan û zîhnîyetî bikerê  û heme hêrişan veng vejê.