Çar parçeyanê Kurdîstanî ra Mayê Haştîye bajarê Silêmanî yê Başûrê Kurdîstanî de ameybî têhet û vera hêrişê îşxalî yê Tirkîya û rolê mayan ê çareserîye nîqaş kerdbî. Mayan bi eşkerayîyêke netîceya komxebate pare kerde.

Eşkerayîya ke vizêr ameye dayene de rewşa heme parçeyanê Kurdîstanî ameyî ercnayene û bale ameye antene xoverdayîşê vera hêrişan ser. Mayê Haştîye nuqûtayanê sey vera îşxalî sere de cîniyîî hetê sîyasîyî eşkenê se bikerê ser vindetî û yewîya neteweyîye sey rojdemê esasî girewte dest.

Vengdayîşê mayan de nê vejîyayî vernî:

Ganî hêzê mîyanneteweyî vera çekanê kîmyewîyan û qirkerdişan bêveng nêmanê.

Ganî hêzê cayî û mîyanneteweyî estbîyayîş û kulturê kurdan bipawê.

Ganî mayê gerîla, pêşmerge û cendirmeyan pîya têkoşîn bikerê ke şerî vindarnê.

Ganî partî û hetê sîyasîyî vera îşxalî bibê yew û Kurdsîtanî bipawê.

Ganî têgêrayîşê cinîyan semedê yewîya mîyanneteweyîye serkêşîye bikerê.

Ganî mayê şehîdan semedê vindarnayîşê şerî kişta ma de ca bîgirê.