Silêmanî de vera hêrş û qirkerdişanê dewleta tirke ya îşxalkere Mayanê Haştîye û Laçiksipîyan pê çalakîyêke nêrazîbîyayîşê xo mojna. Mayî Parka Dayike ya Silêmanî de kom bîyî, Neyane Ferec zî eşkerayîye wende.

Eşkerayîya dayîkan wina ya: ''Hemwelatîyî bombardumanê dewleta tirke ya îşxalkere de şehîd benê, bax û baxçeyê înan yenê vêşnayene. Dewleta tirke îşxalê Efrîn, Girê Sipî û Serêkanîyê yê Rojawanî ra dima dest pê îşxalê Herêma Kurdîstanî û Iraqî kerd. Wazena bi nê hawayî verê çimanê dinya de qirkerdişan bikera.

Ma sey Mayanê Laçiksipîyan û Haştîye vera îşxal û hêrişanê dewleta tirke venga pêro komelî danê ke wayîrê tewirêkî bibo. Seba haştî û aramîya welatî têkoşîn bikero.''