Meclîsanê Cinîyan ê HDKyî beyannameyê kombîyayîşê Meclîsanê Cinîyan ê 3. ê Dewirê 10. pare kerd. Kombîyayîşê 3. 10ê gulane de pê tewrbîyayîşê online yê bi desan cinîyan ame kerdene.

Beyanname de nê çîyî ameyî vatene:

''Meclîsê Cinîyan ê Kongreya Demokratîke ya Şaran seba ke bivisnê vîrî ke cinîyê ke prosesê pandemîya vîrusê Korona de binê teda û zorbazîye de yê, têna nîyê, seba ke pîya xurt bibê, bi vatişê ''Paştdayîşê Cinîyan Her Ca de Yo'' her ca de pêro cinîyan reyde dest pê awankerdişê Masayanê Paştdayîşê Cinîyan kenê. Ma veng danê ke pêro cinîyî heta ke destê înan ra bêro pê her rayîrî paştî bidê yewbînan.''