Serrgêra şehadetê Zîlane de Şingal de Yewîya Cinîyan ê Ciwanan a Şingalî (YJCŞ) ronîyaye. Kongreya 1. ya YJCŞyî bi beşdarîya 150 delegeyan û bi şîarê 'Xeta Zîlane û Bêrîvanan de Rêxistinbîyayîşî Awan Bikerê, Îşxal û Îxanetî Çin Bikerê, Azadîya Şingalî Bîyarê Ca' ameye kerdene.

Kongre de YJCŞyî nê birî girewtî:

-YJCŞ sîstemê xo yê bi komun, meclîs, akademî, kooperatîk û bi ferasetê pawitişê cewherîyî awan keno. Şingal de bi dezgehan wayîrê nê ferasetî vejîyeno.

-YJCŞ YJŞyî sey hêzanê pawitişî vîneno û xo averşîyayîşê ci ra mesuldar vîneno.

-Cinîyê azadî eşkenê bi fikrê xo yê azad û demokratîkî tewrê YJCŞyî bibê.

-YJCŞ seba çareserkerdişê meseleyanê cinîyan xîret keno.

-YJCŞ paştî dano rêxistinanê cinîyan û Îdareyê Xoserî yê Şingalî.

Weçînayîş de 13 kesan seba meclîsê YJCŞyî ameyî weçînayene.  Kongre de xoverdayîşê Îmrali û gerîlayan ame selamkerdene. Kongre pê govendan qedîyaye.