Meclîsê Cinîyan ê Partîya Demokratîke ya Şaran (HDP) ya ke  bi nameyê 'Têkoşînê cinîyan her ca de yo'  dest pê kampanyayêke kerde, derheqê kampanya de eşkerayîyêke daye.

Vervatoxa TJA Ayşe Gokkan, parlamentere Pero Dundar, Hemsereka  HDPyî ya Bajarî Hulya Alokmen Uyanik, endamê Meclîsê Ciwanîye yê partîye û îdarekarê DBPyî yê bajarî tewrê eşkerayîye bîyî.

Hulya Alokmen Uyanik qiseykerdişê xo de bale ante kampanyaya ke vera hêrişê serê destkewteyanê cinîyan ameya despêkerdene û vat bi tewrbîyayîşê HDK, KCDyî kampanyaya 'Têkoşînê cinîyan her ca de yo' ya ke do aşmêke bêro domaneye startê xo dayo.

Uyanike ard ziwan ke ê do keye, kuçe, meclîs, cayê karî û her warê cuye de wayîrê heqanê cinîyan bivejîyê û vat: ''Ma do vera qanûnê îstîsmarî bivejê û vera qanûnê înfazî yo ke dizdî û  qetilkarî serbest veradayî û tepişteyî sîyasîyî mergî rê rî bi bî verdayî, kuçeyan cameverdê. Hemserekîyê xeta ma ya mor a. Ma do destur medê ke qeyûmî bajaranê ma bikerê sey camêrdan û vera qetilkerdişê cinîyan vengê xo berzêr bikerê. Ma sey cinî zanê ke ma pîya xurtêr ê. Têkoşîn û paydayîşê ma yê cinîyan do ma bidê ciwîyayene. Ma veng danê heme cinîyan, berê ma pêro pîya têkoşîn bikerê ke wa îqtîdarê camêrdî ma ra zafêr biterso. Ma destur medê ke destkewteyanê ma xesp bikerê. Hedefê pêro herîşan zelal o. Wazenê ke cinî verê înan de milê xo çewt bikero û goreyê înan têbigero. La ê se kenê wa bikerê ma cinîyî sey vizêrî ewro zî  semedê cuyeyêka azade qerardar têkoşîn û xoverdayîşî rê dewam kenê.''

Eşkerayîye bi slogananê Cinî cuye azadîye, Zextî nêeşkenê vernîya ma bigêrê qedîyaye.