Cezaya zîndanî ya ke Hemşaredara Amedî Gultene Kişanak û Hemsereka Pêroyî ya Partîya Herêman ê Demokratîkan (DBP) Sebahate Tuncel rê amebî dayene hetê îstîsnafî ra ameye xerakerdene. Naye ra hukmkerdiş newe ra dest pêkerd. Roniştişo 4. ewro Mehkemeya Cezaya Girane ya 5. ya Meletî de biameyêne kerdene. Labelê rîyê janê vîrusê Korona ra nêame kerdene. Heyetê mehkeme dosya ser o cigêrayîş kerd û bire daye.

Avûkatan da zanayene ke nêweşîyê kronîkî yê Kişaneke estê û nê prosesê nêweşîye de tespiştişê înan vera rewşa weşîye rîskêko pîl o. Avûkatan eşkera kerd ke tepiştebîyayîşî hînî vurîyayo cezakerdişî.

Heyetê demkî yê mehkeme waştişê avûkatan red kerdî û bire daye her di sîyasetmedaê kurdî sey tepişte bimanê. Roniştin taloqê 29ê gulane ame kerdene.