Hemsereka DBPyî ya Amedî Sevale Gulmez şîdetê vera cinîyan o ke wextê Korona de zêdîya, sebebê nê şîdetî û polîtîkayê îqtîdarî yê vera cinîyan ercnayî. Qiseykerdişê Gulmeze ra beşêk wina yo: 

''Verê cu serra mîyanêne de cinîyî sey pîrebok ameyêne dîyene, veşnayene. Nika zî vera cinîyan heman teda dewam kena. Hîşmendîya nêrî ya ke cinîyan qetil kena, hema zî hetê mehkemeyan ra yena pawitene.Mehkemeyî kiştoxanê cinîyan rê cezaya qîme nêdanê û no zî seke kiştişê cinîyan meşrû yo sey propaganda yeno ercnayene. Ma ney qebul nêkenê. Hîşmendîya nêrî semedo ke îradeyê cinîyan qebul nêkena, tehamulê cinîyan zî nêkena. La êyê ke komel ser payan kenê, aktîf kênê  cinî yê.  Cinîyî netîceya fîtne û bêbextîye de yenê qetilkerdene. Na hîşmendîye kiştoxanê cinîyan nêvînena, bivîna zî cezaya qîme dana ci. Bi nê hewayî bena hempara nê sûcî.

Gulîstane Doku ra hema zî xeberêke çin a. Heta ke ma aqibetê aye eşkera nêbi ma nêvindenê. Nê prosesê vîrusê Korona de ganî ma wayîrê yewbînan bivejîyê. Ma do rêxistina xo xurt bikerê  û bi hawayêkê cidîyî têkoşînê xo bîyarê ca. Ma do hem bibê xoverdayox hem zî bibê teqîbkerdox.

Ez venga cinîyanê herême û pêro dinya dana ke vera nê kiştoxan bibê wayîrê tewirî. Ma do na hîşmendîya camêrdan mehkum bikerê. Vîrusê Korona mojna ke hîşmendîya camêrdan senî ha merkez de ya. Na hîşmendîye tedaya vera cinîyan daye destpêkerdene û eke wina dewam bikero zî ne merdimîye ne cuye ne zî dinya manenê.''