Cinîyan dinganê metroyan ê mîyanê bajarî de çalakîye kerde û seba vîrardişê cinîyanê ke ameyî kiştene girmikê xo berz bi hewayî kerdî û bideqayan rêz girewt.

Çalakîye de vilaweke ameye wendene û vengdayîşê serekkomarê Meksîka ame kerdene ke vera dekewtişê nê remnayîşan ê metroyî çîyêk bikero.

Cinîyan ra bi nameyê Sarah Artega ya 21 serrîye AFP'yî rê qisey kerd û seba metroyê Meksîkoyî vat, “Seba ma stargehêk bi, tek wesayîtê cimatî bî ke ma xo tede zereyê asayîşî de dîyayêne. Nika qet çîyêde ma çin o, seba ke her çî tîya de qewimîyeno: Erzîyenê ti ser, ti tacîz kenê û gênê remnenê.”

HER ROJE 9 CINÎ YENÊ KIŞTENE

Meksîka de serranê peyênan de femînîsîd (qirkerdişê cinîyan) bî zêdetir. Goreyê Neteweyê Yewbîyayeyî, Meksîkayî de roje de 9 cinî yenê kiştene. Wesayîtê resî yê pêroyîye de her 10 cinîyan ra 6’î benê hedefê hêrişî.