Qezaya Doşemealtiyî ya Antalya de Meleke Îpeka 31 serre seba ke vera mêrdeyê xo Ramazan Îpeko ke tim aye rê şîdet kerdêne xo û domananê xo bipawo  o kiştbi û 9ê çeleyî de hetê mehkeme ra amebî tepiştene.

Roniştişê dewaya Îpeke vizêr Mehkemeya Cezaya Girane ya 3. ya Anatalya de ame kerdene. Heyetê mehkeme xopawitişê Îpeke sey vera hêrişî xopawitişê meşruyî hesibna û a tehlîye kerde. Badê qerarî mîyanê di saetan de Meleke Îpek Zîndanê Antalya ra ameyî veradayene. Îpeke taxa xo de hetê merdimanê xo ra bi heskerdişî ameye verwazîkerdene û bi rişnayîşê hesiran virar şîyî înan ra. Îpeke semedê caardişê edeletî keyfweşîye xo ard ziwan û vat seba ke a resaya domanan xo hînî eşkena rehet bikewo ra.

Xeylêk cinîyan zî medyaya sanale de semedê veradayîşê Meleke Îpeke keyfweşîya xo ard ziwan.