Platformê Ma Do Qetilkerdişê Cinîyan Vindarnê (KCDP) eşkera kerd ke teşrîna peyêne de 38 cinîyî bi destê camêrdan ameyî kiştene. Goreyê doneyanê raporî her roje tewr tay cinîyêke ameye kiştene.

Goreyê doneyanê Jin Newsî 13 domanî zî maruzê şîdetî û îstîsmara cînsî bîyî û 3 domanî zî ameyî kiştene. Dewayê şîdetî yê vera domanan û cinîyan bi cezanêdayîşî û bi kêmkerdişê cezayan dewam kenê.

Bursa de mudirê dezgehê Merkezê Vergirewtişê Şidetî û Muşahedeyî (ŞONÎM) Tayfun Erolî 11 cinîyî tacîz kerdî.

Hukmê tirkî yo ke kontrolê rejîmê Serekê AKPyî Erdoganî de yo bi cezanêdayîş û bi kêmkerdişê cezayan teşwîq keno ke îstîsmara cînsî, tecawuz, kiştişê cinîyan û domanan bibê zêde. Dewirê îqtîdarê AKPyî de serebûtê tecawuzî, şîdetî, kiştişê cinîyan û îstîsmarkerdişê domanan zaf zêde bîyî.