Wendekara Zanîngehê Munzurî Gulîstane Doku ya ke Dêrsim de ameye vînîkerdene ra 5ê çeleyê 2020î ra nata xebere nîna girewtene. Keyeyê ci semedê vînayîşê kênaya xo tim çalakîyan de yo.

Vizêr merasîmê mezunîyetî yê Unîversîtaya Munzurî ame kerdene ke eke Gulîstane Doku vînîbîyaye nêbîyêne a zî do bibiyêne mezûn. Aygule Doku merasîm de destê ci de fotografê waye ci waşt  vejîye sehneyî ser û aqibetê Doku biperse. Aygule Doku vat ''ewro ganî mi pîya bi waya xo tîya dîploma bigirewtêne.'' Naye ser o wezîfedaranê asayîşê taybetî mudaxaleyê Doku kerd û destûr nêda a qal bikero. Bi desan wendakaran paştî daye çalakîya Aygule Doku. Wendekaran Doku destê wezîfedaran ra xelisna  û pîya bi aye vejîyayî sehneyî ser. Aygulu Doku tîya fotografê waya xo kerd berz û vat ''Gulîstane Doku ha ça de ya?''