Mercane Dersim mîyanê keyeyêkê elewîyî de dadîyêka welatperwere ra dewa Şîrnanî ya Çewlîgî de ameye dinya.

Keyeyê ci teda û zorbazîye ra neçare mend ke koçê Îstanbulî bikero. Îstanbul de dest pê wendişê dibistane kerd. Merkezê nêheqîye, cayê bêedaletî de vera zulmî sere wedarit. Pê yewîya şarî û bawerîyan bawer kerdêne. Pê hesretê xo yê seba welatê xo bîye pîl. Destpêk de sey sempatîzanêke têkoşînê azadîye şinasna. Dima dî ke serkewtişê nê têkoşînî pê fedakarîya ci beno û asta milîtana raybere de mîyanê MKPyî de dest pê rayraşîyayîşê xo yê şorişgêrî kerd.

Verê xo da koyanê Dêrsimî. Mercane serra 2013î de wexto ke resaye koyî, sirê koyî û embazîye fam kerdî. Mercane mabênê koyanê Dêrsimî  de pê bawerîye şîye. Pê hêvîya ke awa Çemê Pêrî û Munzurî biresnê yewbînan şer kerd. Çend ke koyan ra hes ker bîye rind, çend ke bîye rind bîye lez. Pê perwerîya dewa şer kerd.

Warê Zarîfeyan de bîye gerîlayêka pîle û bîye embaza Ronî Munzuran, Baranan û Delalan. Mewsimêk de ke koyî bibereket bibî 1ê tebaxa 2017î de gerîla Mercane seba pêşwazîkerdişê roje xo feda kerd, erdê koyanê Dêrsimî de xo neqişna, ver bi ebedîyetî şîye û bîye rîyê wayûbiratîya şaran. Mercane Dersim; şerwana fîraze ya ke Pêrî û Munzur resnayî yewbînan, cinîya çêra ke Bandoz û Seyîd Rizayî resnayî yewbînan.