Kampa Şehîd Rustem Cûdîyî yê Mexmûrî  bi wesîleya 8ê Adare Roja Cinîyan ê Kedkera a Dinya rayraşîyayîş organîze kerd. Bi hezaran cinîyê ke verê Dezgehê Keyeyanê Şehîdan de ameyî têhet, pê kincanê xo yê tradîsyonkîyan û renganê xo sey kortejan kewtî rayîr.

Cinîyî pê slogananê Cinî cuye azadîye, Bê Serekî cuye nêbena, Şehîdî nêmirenî heta Parka 4 Nîsane rayra şîyî. Parke de Endama Koordînasyonê Meclîsê Îştarî Xanture Kara eşkerayîye daye. Kara 8ê Adare fîraz kerd û vat: ''Me kedkarê zîlê azadîye yê Rayber Apoyî yê.  Ma kedkarê înşakerdişê paradîgmaya newewêka demokratîke yê. Aye ra ma vanê ke 8ê Adare semedê ma têna roja çalakîye nîya, na roje semedê ma vera dişmenî vinderdişêk o. Ma veng danê heme cinîyan ê dinya ke vera qirkerdişê cinîyan bêrê ma bibê yew.''

Badê eşkerayîye pê muzûkî govende ameye girewtene.