Gerîlaya YJA-Starî Rojyere Firat Çektar îfade kerd ke gerîlayê cinîyî vera gemarinîya sîstemî şer kenê.

Rojyare xoverdayîşê YPSyî yê vera sîyasetê qirkerdişî yê dewleta tirke ci rê tesîr kerd coka bire girewte ke tewrê gerîlayan biba. Çektare vat wexto ke aye kincê gerîlayî dayî xo ra kewte mabênê hîsanê cîyayan û wina dewam kerd: "Mi xo rê vat ke ganî merdim hûrmetê nê kincan bikê. Destpêkerdişê cuyêka newîye û xorakerdişê kincanê gerîlayan hîsêko cîya bi. Mi xo resnabi hesretê serran. hinî ez eşkayêne qesasê bi serran bigêra.''

Çektare pare kerd ke xozayê Kurdîstanî çew keno verarê xo û her ke mîyanê xozayê Kurdîstanî de bigêra newe ra pê cuye hesîyena. Çekdare qala tewrbîyayîşê gerîlayan kerde û vat: "Mabênê gerîlayan de ti hînî bi ziwanê xo hîkaye, kultur û rastîya xo musenî. Wexto ke cinîyî gêrenê cewherê xo çîyêk çin o ke nêeşkê bikê. Mîyanê gerîlayan de her cinîye îradeyê xo nas kena û zehmetî û meseleyî çi benê wa bibê musenê ke têbikoşê."