Bajarê Munihî yê Almanya de rayberîya Meclîsê Cinîyan ê Sara û Women Defend Rojawanî de rêxistenanê cinîyan vera şîdetê serê cinîyan çalakîyêke organîze kerde.

Çalakîye de bale ameye antene serê şîdetê vera cinîyan o ke çend şino zêdîyeno ser û ame vateneke bitaybetî  prosesê Covid-19î de seba ke her kes keye de maneno sey her cayî Almanya de şîdet zêdîya û cinîyî yenê qetilkerdene. Cinîyan veng da ke wa dezgehê eleqedarî vera naye tê bigêrê. Çalakîya de slogana Cinî, cuye, azadîye ameye eştene û mesajê paştdayîş û xurtkerdişê têkoşînî dîyayî.