Gerîla Dilpak Ûrmîye ya ke nefretê xo yê vera sîstemî ra serrîya xo ya 18. de tewra gerîlayan bena, qala tesîrê sîstemî wina kena: ''Sîstemo ke ma tede ciwîyayêne, ma ziwan û kulturê ma ra vistêne dûrî. Kerdêne ke ma raştî û cigêrayîşanê xo rê bibê xerîb. Rejîmê Îranî dewe bi dewe, keye bi keye pê perwerdeyî xîret kerdêne ke şarî rê tesîr bikero. Seba ke doman û ciwanan kulturê dadîyanê ci ra bivisno dûrî her çî kerdêne. Mi zî no sîstem red kerd.''

Gerîla Dilpak îfade kena ke felsefeya Rayberê Şarê Kurdî Abdullah Ocalanî her kes kom kena û hîsanê xo wina ana ziwan: ''Pêro şaran firsend dî ke felsefeya Rayber Apoyî de bêrê têhet. Çar parçeyanê Kurdîstanî ra xeylêk kesî tewrê gerîlayan bîyî. Tîya de pêserameyîşêko bêhempa ame kerdene. Çunke her kes eşkeno tewrê na rêxistine bibo û tede kesayet û nasnameyê xo biciwîyo. Felsefeya Rayberîye mi rê wina tesîr kerd.
Wexto ke ez hema keye de bîya şîyayîş, roniştiş, qiseykerdiş, çeke û her çîyê gerîlayan mi rê zaf tesîr kerdêne. Ê perwerdeyê Rayberîye ra derbaz bibî û şarî ê qebul kerdbî. Perwerîya gerîlayan a seba yewbînan, embazî û fedakarîya gerîlayan mi rê zaf tesîr kerdêne. Mi zî waştêne ke biba embaza înan. Mi waştêne ke tewra koyan biba. Nika ez resaya raştîya xo.

Rejîmê Îranî bi taybetî ciwanan rê zaf teda keno. Cuya ke merdimîye ra dûrî ya pêşkêşê nînan keno. Wa ciwanî na cuye qebul nêkerê. Vera ciwananê Rojhelatê Kurdîstanî her tewir hêrişî estê. Wa ciwanî verê xo bidê koyan. Tîya de warêk esto ke ciwanî eşkenê xo bişinasnê. Wa ciwanê pê kayanê sîstemî mexepîyê. Ez bi taybetî venga cinîyan dana.''