Konferansê Cinîyan ê Rojhelatê Mîyanênî û Afrîkaya Vakure yê 2. şaristanê Bayrûdî yê Lubnanî de pê şîarê 'Pê yewîya cinîyan ma do şorişê demokratîkî awan bikerê' ame kerdene. 

Netîcenameyê Konferansê Cinîyan ê Rojhelatê Mîyanênî û Afrîkaya Vakure yê 2. ame eşkerakerdene. Netîcename de nê birî dîyayî:

-Îttîfaqê cinîyan ê Rojhelatê Mîyanênî û Afrîkaya Vakure bêro awankerdene, vîzyonê cinîyan bêro qebulkerdene, azadîya cinîyan edaleto komelkî û rûmetê merdiman o.

-Seba dîyarkerdişê vîzyon, hedef û stratejîya xebatan mîyanê şeş mengan de komîteyêka cinîyan wa bêra awankerdene.

-Vera bazirganîya merdiman, vurnayîşê demografî, suîkastê sîyasî, zêdîyayîşê nêzanayîşê wendiş û niştişî, feqirîye û îşxalî wa cinîyî tewrê têkoşînî bibê.

-Vera hîşmendîya serdestîya camêrdan wa têkoşîn bêro kerdene.

-Mabênê cinîyanê dinya de torrî bêrê awankerdene.