Rojnameyê cinîyan ê Newaya Jin hûmara xo ya 183. ya pê manşetê ''Îqtîdarê xirabîye serê karî de yo'' vete. Na hûmare de Nîşmîye Guler Hemsereka ÎHDyî Erene Keskîn reyde derheqê hêrişanê vera şehîdgehan de roportaj kerd. 

Endama Konseya Rayberdişî ya KJKyî Rojda Sîverek û Gulîstane Çîya Îke rayberanê Têgêrayîşê Cinîyan ê Kurdan ser o nuşt û bale ante raştîya Zîlane ser.

Ronî Eyleme na hûmare de derheqê Gulîstane Doku de nuşt. Denîze Bîlgîn zî bale ante ''şerê vera xoza'' ser.

Aktîvîste Zeynepe Dersim û rojnamegere Rojbîne Denîz zî nuşteyê xo de qala yewîya neteweyîye û povakasyonê Zînî Wertê kerde.

Hûmara menga hezîrane ya rojnameyî de Munewere Azîzoglu Bazan ekonomîya cinîyan ser, Roza Metîna destananê kurdan ser o nuşt. Hûmare de derheqê daşinasnayîşê Merkezê Cinîyan ê Rosara de zî nuşteyêk esto.

Hetê bînî ra na hûmara kovare de vîrameyîşê gerîlayan zî estê.

Kesê ke wazenê xo kovare peyda bikerê eşkenê nê adresî ser o xo biresnê ci: newayajin.net