Goreyê xebera Jinnewsî qezaya Qelqelî ya Wanî de des rojî verî awebendê awedayîşî yê dewa Axrukî yo ke nêzdîyê qereqolî de yo, tede cenazaya cinîyêke ameye dîyene. Ame vetane ke cinîye raştê tecawuzê leşkeran ameye û dima ra ameye qetilkerdene.

Cenaza hetê şiwanêkî ra ameye dîyene û bado ke xebere dîyaye leşker û ekîbê weşîye ameyî herême û cenzaya cinîye berde Nêweşxaneyê Dewlete yê Qeza. Nêame musayene ke cenaza ameya definkerdene ya nê. Goreyê çimeyanê cayîyan kesê ke qaçaxçîye merdiman kenê cinîye vera pereyî daye leşkeran, leşkeran bado ke tecawuzê aye kerd, kişt û eşte awbendî.