Cinîyê Pîya Bihez ê semedê Sakîne Kultura ke Silopî de hetê Îbrahîm Barkinî ra ameye qetilkerdene û heme cinîyan ê ke ameye qetilkerdene, Îskeleyê Karşiyaka yê Îzmîrî de eşkerayîye daye.

Cinîyî pê slogananê sey ''Cinîyî do qetilkaran ra hesab bipersê'', ''Cinî  cuye azadîye'', ''Biciwîyo têkoşînê cinîyan'', ''Sakînê Kultur têna nîya'' û ''Aysele Dogan serewedaritişê ma ya'' qîrayî.

Eşkerayîye de bale ameye antene polîtîkaya hêrişkare ya vera cinîyan ser û ame vatene sey Musa Orhan û Onur Gencerî kiştoxê cinîyan pê destê dewlete yê perwerdekerdene û pawitene. Cinîyan veng da kiştox Îbrahîm Barkinî û vat ma ne to ne zî paştgêranê to xo vîra kenê, ma do şima ra hesab bipersê. Cinîyan vat ê do edaletê raştî bîyarê, Pêkerdişê Îstanbulî cameverdê û çirey vera zext û şîdetî de milê xo çewt nêkerê.