Kurdîstanijan û dostanê înan şaristanê Nurnbergî yê Almanya de şîdetê dewleta tirke yê vera cinîyan protesto kerd. Çalakîkeran xeyme naye ro û fotografê cinîyanê ke ameyî qetilkerdene û şîdet dî xeyme de darde kerdî û pankarta bi nuşteyê 'Leşker û polîsê tirkî tecawuzker ê'', ''Hêrişê vera cinîyan polîtîk ê'' akerde.

Eşkerayîya çalakîye de ame vatene ke rejîmê AKP-MHPyî dişmenê cinîyan o û bi hawayêkê sîstematîkî hêrişê destkewteyanê cinîyan keno. Eşkerayîye de venga cinîyan  ame dayene ke xo birêxistin bikerê û verê hêrişan bigêrê.