Koordînasyonê PAJKî derheqê rojbîyayîşê Rayberê Şarê Kurdî Abdullah Ocalanî de eşkerayîyêka nuştekîye daye.

Eşkerayîya PAJKî wina ya:

''4ê Nîsane rojbîyayîşê Rayber Apoyî yo ke yeno manaya ke kurdîstanijî û cinîyî seba cuyêka azade newe ra dadîya xo ra bîyî, şarê Kurdîstanî rê, cinîyan û şarê Rojhelatê Mîyanênî rê fîraz bo. Serrgêra 71. ya rojbîyayîşê ey de ma sond wanenê ke ma do Rayber Apo reyde welatêkê azadî de şarêkê azadî reyde pîya bibê. Dadîrabîyayîşê Rayber Apoyî seba cinîyan û pêro şaran azadîye ra şîyarbîyayîş o. Ma coka na roje sey ronesanêk vînenê. Fîrazkerdişê nê rojî newe ra famkerdişê rayraşîyayîşê azadîye yê  serran, famkerdişê erjanê têkoşînî û bawerî, qerardarîya azadîye yo.

Êyê modernîteya kapîtalîste reyde vera Rayber Apoyî komployêka mîyanneteweyîye kerde û fikirîyayêne ke rayîrê azadîye asteng kenê ser nêkewtî. Rayber Apoyî wext û ca vurnayî warê têkoşînî û morê xo da newerabîyayîşan. Rayber Apoyî komploya mîyanneteweyîye, tecrîd vurnayî serebûtê pîlî yê tarîxî û komelkî. Rayberî tarîx, komel, cinîye û dinya new era şirove kerdî û perspektîfêko newe da Têgêrayîşê Azadîye. Perspektîfê sîstemî vet werte ke merdimî pê eşkenê bi hawayêkê azadî biciwîyê. Ma pê pandemîya Covid-19î vînenê ke modernîteya kapîtalîste komelî rê xizmetêk nêkerd, têna meseleyî, kaos û krîzî ardî. Rayber Apoyî ardbi ziwan ke sîstem mîyanê krîzî de yo û tay dewiran de rewşê kaotîkî do bivejîyê werte. Rayber Apoyî îfade kerdbi ke nê dewiran de têkoşîn û azadîya komelî do xurt bibê.

Nê wextê krîzê vîrusê Korona de ke netîceya polîtîyanê kapîtalîstan de ame meydan, zaf hêzî, rêxistinî û dezgehî venga hukmatî danê ke zîndanan veng bikero. Îran, Ewropa û Tirkîya ganî nê vengdayîşan peygoş nêkerê. Tay qanûnî kewtbî rojdem zî ke dewleta tirke wazena sûcdaranê ke  eşkena pabesteyê co bikera, zîndanî ra veja û xo xurtêr bikera Ganî nê prosesê krîzî de oyo esas weşîya şarî bibo. Naye ra ganî Sere de Rayber Apo pêro tepişteyî bêrê veradayene. 

Nê wextî de pawitişê şarî, wayîrvejîyayîşê erjanê xo yê komelkîyan sere de ê PKK û PAJKî wezîfeyê ma yê pêroyînan o. Ganî ma erjanê xo bipawê û cinîyan, kokiman, xoza û domanan reyde têkilîyêka exlaqîye ronê ke bi nê hawayî ma eşkenê derbêka pîle bidê modernîteya kapîtalîste. Pawitişê waranê xo yê cuye, pawitiş û dewamkerdişê erjanê xo yê kulturelan do bibê hêlê azadî yê ganîbîyayîşî. Çîyêko nemumkîn çin o. Çinkerdişê modernîteya kapîtalîste ra berî sewbîna çareya ma çin a Nameyê Partîya Cinîyan ê Azadan a Kurdîstanî ma reyna soz danê Rayberê xo, şehîdanê xo ke ma do pê metodanê cîyayan karêkê serkewteyî bikerê. Vera dêsanê  ke mabênê komelî û xozayî de virazîyenê, ma venga her kesî danê ke leyanê daran biramê û rojbîyayîşê Rayber Apoyî bi nê hawayî fîraz bikerê. Ma rojbîyayîşê Rayber Apoyî yê şarê xo fîraz kenê ke na roje sey ganîbîyayîşê cinîyan yena dîyene.''