Koordînasyonê PAJKî bi wesîleya serrgêra Şorişê Rojawanî eşkerayîyêke daye û nê vatî:

''Şorişê Rojawanî 19ê Temmuz a 2012î  de Kobanê de dest pêkerd û ûca ra heme bajaranê Rojawanî ra ûca ra zî xeylêk merkezanê vakurê Sûrîye de vila bi. Ma şexsê Arîne Mîrkan, Legerîne, Zîne Kobanêî Heverîne Xelef Anna Campbelle, Yade Aqida û Zehra Berkel heme şehîdanê nê şorişî bi hurmet yad kenê, şarê herême ke xoverdayîşo pîl da ma ey zî selam kenê û Şorişê Rojawanî pîroz kenê.

Rixmê hêrişê sîstemê serdestî  yo ke wazeno Rojhelatê Mîyanênî de şarî erjanê ci ra raqilno û çîn bikero Rayberîya ma têgêrayîşê azadîye yê kurdan têkoşînê azadîye yê cinîyan ê kurdan na herre de newe ra kerdî zergûn. Rojawan bi merkezo muhîm ê nê bedilîyayîşan. Sebebanê bigeyênan ê hêrişê vera Rojawanî ra yew oyo ke nê şoriş de rolê cinîyan gird o. Seba ke Kobanê cayê destpêkerdişê Şorişê Rojawanî yo hedefê dewleta tirke deyo. Serekkomarê Tirkî Tayyîp Erdoganî bi vatişê ‘’Kobanê kewt, do bikewo’’ ramojna ke ê pîya bi DAÎŞî têgêrenê. Bade nê vatişê Erdoganî her hetî dinya ra ciwanan verê xo da Kobanê. Badê xoverdayîşê pîlî Kobanê ameye xelisnayene û Şorişê Rojawanî ramojna dost û dişmenanê xo ke ê bi îredayê xo eşkenê payra bimanê.

 Şorişê Cinîyan ê Rojawanî semedê dinya bi modelêk la hema zî raştê hêrişê dewleta tirke yeno. Hetê bînî ra kurdan ê Rojawanî bi paştdayîşê şaran xeta pawitişî ya xurte amade kerde. dewleta tirke semedê çînkerdişê heme rindîyanê ke bi Şorişê Rojawanî ameyî destfînayene şer kena. Her perê dinya de têkoşînê azadîye yê Rojawanî yeno paştdayene. Ma bewer kenê ke no şorişo pîl têkoşînê cinîyan ê dinya bikirişo merhaleyêka newî. Ma sey Partîya Cinîyan a Azadan reyna Şorişê Cinîyan ê Rojawanî pîroz kenê.''