Koordînasyonê PAJKî bi wesîleya serrgêra Hemleya 15ê Tebexe eşkerayîyêke daye, Roşanê Ganîbîyayîşî yê 15ê Tebaxe bimbarek kerd û nê pare kerdî:

''Hemleya 15ê Tebaxe ramojna ke kurdî semedê erd û erjanê xo senî têkoşîn ke û verê dişmenî de çok nêdanê. Serkeşîya Rayber Apoyî de kurdan game girdî eştî. Rayaşîyayîşê azadîye yê ke Kurdîstan de ame destpêkerdene dişmenî pê bîyeqûnî kerdêne. Guleyê ke Dih û Şemzînan de erzîyayî semedê şaranê Kurdîstanî serewedaritişê talebeyan bi.  Xoverdayîş o çekdaro ke PKKyî vera asîmîlasyon çînkerdişî da destpêkerdene, ewro heme kuçeyanê Rojhelatê Mîyanênî û dinya ra vila bîyo. Rayberîye no şer têna sey çekdar nê hetê îdeolojî ra zî aver berd û ramojna cinîyan û şaran ke yewna cuya mumkun o. Aktoro/a tewr gird/e ya/yê nê şerê pawitişî gerîla yê. Cinîyanê ke nê têkoşînî de rolêko xurt kay kerd xeyrê naye bîyî xoser.  Destkewteyo tewr pîl  yê gerîlayanê PKK/PAJKî ra yew oyo ke rayîrê cinîyan ame akerdene û cinîya azade ameye afernayene.

Ma sey Partîya Azadîye Cinîyan ya Kurdîstanî şehîdanê 15ê Tebaxe û şehîdê ke serranê  cîya cîyayan de  15ê tebaxe de şehîd bîyî Engîn Sîncer, Zekî Şigalî, Atakan Mahîr û heme şehîdanê şorişî û reyna êyê ke Hemleya 15ê Tebaxe ra nata têkoşîn ca girewt Besê Anuş, Azîme Demîrtaş, Sultane Yavuz, Hanime Yaver Kaya, Gulnaze Karataş, Zeynepe Kinaci, Nuda Karker, Şîlane Kobanê, Vîyane Soran, Çîçeke Kiçî Delal Amed, Sroxwîne Dersim, Çîçek Kurtalan, Şevîne Bîngol, Zîne avesta û bi hezaran hemrayanê xo yê bînan bi hurmet û mînetî yad kenê.

Ma şexsê embazê Esmere, Nucane û Rustemî yê ke Heftanîn de vera dişmenî têkoşîno xurt kerd de  gerîlayanê Kurdîstanî yê qehremana selam kenê. Beyraqê têkoşînî ke Dih-Şemzînanî ra heme koyanê Kurdîstanî rê têşîyena, nika Heftanîn de rika heme hêrişanê dişmenî bi coşî têşîyena.''