Koordînasyonê PAJKî bi wesîleya serrgêra şehadetê Zeynep Kinaci (Zîlane) aya ke 1996î çalakîya fedaîye viraşte,  eşkerayîyêke daye.

Eşkerayîya PAJKî de nê ameyî vatene:

''Hemraye Zilane 30ê hezîrana 1996î de Dêrsim de bajaro ke artêşa tirke ûca vatbi ma kurdî qedînayî de çalakîya fedaîyî viraşte. Hemraye Zîlane, bi çalakîya xo ya hemverê komplokarîya mîyanneteweyîye ya teşebusê suyîqestî yê 6’ê Gulan a 1996î yê vera Rayberîya ma û hemverê operasyonanê îmhakerdişî yê dişmenî yê vera gerîlayan bîya wayîra qerar û çalakîya pîle û tarîx nûşto.

Cewabo ke Rayberîya ma dayo vengdayîşê hemraye Zîlane bîyo xetî û prensîbê awanbîyayîşê partîya ma û îlanê îdeolojîya azadîya cinî. Hemraye Zîlane ke bîya îfadeyê sîstemê kulturê cinsîyetkîyî û kolonyalîstî ra visîyayîşî û bîya sembolê virazîyayîşê îradeyê cinîya azade, Kurdistan de bîye nameyê cuya newî.

Çalakîya hemraye Zîlana ke sembolê partîya ma ya, ra nata 24 serrî ravêrtî ke nê demî de  cinîyan xo xeta aye de rêxistin kerd. Hemraye Zîlana ke bi çalakîya xo ramojna ke cuya têna bi muntişê azadîye yeno ciwîyayene bîye manîfestoyê cuye. Hemraye Zîlane Çend xo de nasnameyê cînîya azade înşa kerd hende komelî reyde ameyî têhet û bîyê karekterê partîye.

Ewro konjeturê dinya semedê kurdan qirkerdişî ramojneno. Dewleta tirke bi rejîmê AKP-MHPYî faşîstêr bîye ke hêrişê destkewteyanê kurdan kena. Dewleta tirke bi tasfîyekerdişê PKKyî wazenê ke  Kurdîstan, Tirkîya, Surîye, Îran û Iraq de hetê demokrasî û azadîye ra her çî çîn bikero. Coka hêrişê cinî, camêrd, doman, extîyar, xoza, hêga û her çîyê kurdan kena.

Ma sey Partîya Cinîyan ê Azadan a Kurdîstanî  do bi qerardarîye û xeta Zîlane vera faşîzmê tirkî têkoşînî xurt bikerê. Manîfestoyê hemraye Zîlane ke dayo verê ma rayîrê azadîye, demokrasî û edaletî ramojneno.  Serrgêra 25. de ma şexsê  hemraye Zîlane de heme şehîdanê xo bihurmet  yad kenê, vîrê înan rayîrê ma roşn keno.''