PAJKî bi wesîleya serrgêra 15. ya şehadetê Vîyane Soran eşkerayîyêke daye.

Eşkerayîye wina ya:

''Ma pê wesîleya şehadetê embaze Vîyane Soran pêro şehîdanê dewaya azadîya Kurdîstanî bi minetî yad kenê.

Embaze Vîyane roja verêne ya têkoşînî ra nata fikr û felsefeya Rayber Apoyî kesayetê xo de mojnayî û a pê nasnameyê xo yê cinîya başûrije bîye sembola perwerîya cuya azade. Embaze Vîyane her hela cuya xo de vatişê 'Şorişê Başûrî şorişê cinîyan o' yê Rayber Apoyî xo rê kerd esas û seba caardişê raştîye bîye rayber.

Ma sey Têgêrayîşê Azadîye prosesêkê tarîxî ra derbaz benê. Hêzê komplogerî kenê ke pê plananê gemarinan û hemkarîya bêbextan Kurdîstan bi temamî îşxal bikerê, şorişê Kurdîstanî wedarê. Îşxalê Rojawanî, peymana Şingalî, ambargoyê Mexmûrî, hêrişê Îranî yê vera Rojhelatê Kurdîstanî û operasyonê tepişîyayîşê Vakurê Kurdîstanî berdewamîya Komployê Mîyanneteweyî yê. Vera nê hêrişan xoverdayîşê gerîlayan ke Heftanîn de warê Vîyanan de dest pêkerd, cewabêko pîl da îşxalkeran. Teqîbkerdoxê Vîyane pê hêvî û bawerîyêka pîle xo ver danê.

Tewirê Vîyanbîyayîşî tewirê parçekerdişê tecrîdî û qetîkerdişê azadîya Rayber Apoyî yo. Ma pê hemleyanê 'Wext Wextê Azadîye yo' û 'Wextê pawitişê komel û cinîya azade' kewtî safhaya newîye ya têkoşînî. Şarê ma pê berzkerdişê têkoşînî cewab dano hemleya azadîya Rayber Apoyî.

Nê esasî ser o ma venga cinîyanê Başûrê Kurdîstanî, pêro cinîyan ê kurdan, demokrat, azadîwaştox û roşnvîran danê ke azadîya Rayber Apoyî bikerê bingeyê têkoşînê xo. Bi nê hawayî wayîrê xeta şehîde Vîyane vejîyê.

Ma reyna şexsê hemra Vîyane de pêro şehîdan yad kenê. Ma soz danê ke ma do hêvîya şehîde Vîyane û pêro şehîdan bîyarê ca û Rayber Apo azad bikerê.''