Têgêrayîşê Cinîyan ê Kurdan analîz û perspektîfanê xo yê seba ameyoxî pê rayîrê semînarena onlineyan ê bi şîarê ''Ma do ameyoxê xo senî awan bikerê'' cinîyanê dinya reyde do pare bikerê. Panel û semîneran 14ê hezîrane de dest pêkerd. Panel û semînerî heta endamanê networkî yê konferansê 'Cinîyî ameyoxê xo awan kenê' ra yenê serûberkerdene. Bernameyê onlineyî 3 mengan do dewam bikerê û cinîyê Ewropaq, Amerîkaya Latîne, Asya û Rojhelatê Mîyanênî zî do tewrê bernameyan bibê.

Bernameyo online di beşan ra yeno meydan; panelê derhqê tecrubeyanê Têgêrayîşê Cinîyan ê Kurdan de û panelê bi nameyê Nîqaşanê Dinyaya Newe.

Bername de ke 14ê hezîrane de dest pêkerd heta nika rewşa tepişteyan ê sîyasîyan ê Kolombîya, Kurdîstan û Amerîka, tarîxê têgêrayîşê cinîyan ê kurdan, perspektîfanê Rayberê Şarê Kurdî Abdullah Ocalanî  û sîstemê hemserekîye ser o ame qiseykerdene.

Bername emşo saete 19:00 de pê semînerê bi nameyê ''Îdeolojîya azadîya cinîyan ra ver bi rêxistinîya cinîyan ê azadan'' dewam bikero. Semîner de Vervatoxa Komîsyonê Têkilîyan ê Mîyanneteweyîyan ê KNKyî Nîlufer Koç qisey bikera.

Teqwîmê bernameyî

12ê temmuze

Babete: Kaxizê Turnosolî yê Modernîteya Kapîtalîste

Qiseykerdoxî:  Elîfe Sarican, Silvîa Federîcî, Dr. Dersime Dagdevrîran û Radha D'Souza 

 

19ê temmuze

Babete: Feminicide û Pawitişê Cinîyan

Qiseykerdoxe: Aryen Rojava (YPJ)

 

26ê temmuze

Babete: Têkilîya Mabênê Azadî û Rêxistinîye

Qiseykerdoxe: Nazane Ustundag

 

2ê tebaxe

Babete: Çîyê ke Kovid-19î mojnayî ma

Qiseykerdoxî: Roza Burç, Meredîty Tax (USA), Lorena Cabnal (Guetemala), Benedetta Argentîerî (Italya), endamêka Kongreya Starî

 

9ê tebaxe

Babete: Jîneolojî 

Qiseykeroxe:  Endama Komîteya Jîneolojî  ya Ewropa Yasemîne Adnan 

 

16ê tebaxe

Babete: Konfederalîzmê Cinîyan

Qiseykerdoxe: Temsîlkara REPAKî Merale Çîçek

 

23ê tebaxe

Babete: Dermanê Jehrî yê Kapîtalîzmî; Şorişê Cinîyan

Qiseykerdoxî: Alesîa Dro, Merale Çîçek, Temsîlkara Feministas Transfronterizas 

Kesê ke wazenê semîneran goştarî bikerê, persan pers bikerê eşkenê kanala youtube ya bi nameyê Women Weaving Future ra bername teqîb bikerê. Kesê ke wazenê eşkenê xo [email protected] ser o seba bernameyan qeyd bikerê.