Parlamentere Orhane seba paştîdayîşê Guvene banê HDPyî yê Bajarî yê Wanî de dest bi grevê vêşanîye yê 3 rojan kerd. Hemsereka HDPyî ya Bajarê Wanî Yadîşen Karabulake, hemsereka DBPyî ya Bajarê Wanî Ayla Tarhane, Însîyatîfê Mayê Aşitî, aktîvîstê TJAyî, organîzasyonê bajar-qezayan û hemserekê şaredarîyan zî tewrê eşkerayîya çapemenîye ya grevî bîyî.  

MA DO FAŞÎZMÎ RÊ ÇOK NÊNÊ RO

Orhane eşkerayîya xo de wina vat: “Grevê vêşanîye ya parlamentera ma ya Colemêrgî Leyla Guvene ke seba wedartişê tecrîdê serê birêz Ocalanî dabi destpêkerdene 26 rojî yê ke dewam keno. Waştişê Leyla Guvene waştişê ma yê zî. Ma do nê welatî de hemverê faşîzmî de çok nênê ro. Na yewe ra ma tîya dest bi grevê vêşanîye yê 3 rojan kerd. Faşîzm do vîndî bikero, azadî û demokrasî bi ser bikewo.”