Parlamenteranê Baskî waşt ke Zeynebe Celalîya bêra veradayene
Parlamenteranê herêma Baskî paştdayîşê xo yê seba kampanyaya azadîya Zeynebe Celalîyan ard ziwan.
Parlamenteranê herêma Baskî ya Îspanya Mertxe Aizpurua û Oihana Etxebarrieta morê xo da binê kampanyaya seba azadîya tepişteya sîyasî ya kurde Zeynebe Celalîyan.
Her di parlamenteran derheqê rewşa Zeynebe Celalîyan û tepişteyanê sîyasîyan ê Îranî de vernîyazêk pêşkêşê Parlamentoya Îspanya kerd.
Zeynebe Celalîyan 20ê hezîrane ra nata Zîndanê Qereçekî de grevê vêşanîye de ya. Seba ke pê vîrusê Korona kewte, rewşa ci ya weşîye zî binê tehlukeyî de ya.
